|
نظرتك بقحطان ونيتك في عتيبه محاوره ناريه القرقاح والخياري
انقل لكم محاورة الشاعر الكبير دحيم الخياري والشاعر الكبير فلاح القرقاح
فلاح القرقاح يادحيم تغيب سنين وايام اشوفك وانت رجال لك جمهورك ولك صفوفك مير مدري بهذا الوقت وشهي ظروفك جعل بالامر خير وجعل بالامر خيره يالالالا مانشوفك غير في بريده وحايل يالالالا مادرينا كبر ولا شي ثاني يالالالا يانجوم الليل ونجوم القوايل يالالالا مابه الا الجدي وسهيل اليماني دحيم الخياري تعرف سهيل يطلع يا فلاح ويغيبي وان طلع ذعذع الغربي وقام النصيبي ان نوينا ترانا ماعلينا صعيبي جعل بالامر خير وجعل بالامر خيره يالالالا وان تقدمنا على ظهور الاصايل يالالالا مالك الا السيف الاجرد يا قحطاني يالالالا والشعر وهبه من منشى المخايل يالالالا ماحكرها الله على فلان وفلاني فلاح القرقاح الحقيقه علومك يا دحيم عجيبه نظرتك بقحطان ونيتك بعتيبه وان هرجنا مصيبه وان سكتنا مصيبه جعل بالامر خير وجعل بالامر خير يالالالا كان شفتك عن طريق الحق مايل يالالالا يكفي انا وش كريت الخيزراني يالالالا واحدن لاوقف يركب مثايل يالالالا واحدن يتعب على فتل المعاني دحيم الخياري نيتي نية الي مايخون الامانه يوعد ويافي وبالعز تلقا مكانه كل رجلن يابن ريفه لسانه حصانه جعل بالامر خير وجعل بالامر خيره يالالالا ربعي الي يلطمون لكل عايل يالالالا بالزمان الاول وهذا الزماني يالالالا بدون قصور في روس القبايل يالالالا مايتمهزاء بالرجال الا الهزاني فلاح القرقاح ........... بالثانيه والدقيقه لاتخلي خويك ينفلت في طريقه كل واحد على كيفه يشجع فريقه جعل بالامر خير وجعل بالامر خيره يالالالا ربعي الي تتعب لكسب الجمايل يالالالا وافتخر بفعولهم سر وبياني يالالالا لاتهلكني بمضمون الرسايل يالالالا والخطاء ماهوب لي يامودماني دحيم الخياري فوق راسك رادار وفي طريقك راداري والمعاني نبيها مثل قدح السواري لاتخلي خويك واول الليل ساري جعل بالامر خير وجعل بالامرخيره يالالالا خلها تقدح مثل قدح الفتايل يالالالا يوم ذا الليله عليك الله هداني يالالالا مايسيل السيل غير مع المسايل يالالالا يالمطوع صل واذن برمضاني |
الله الله
صح لسسسان دحيم شششاعر مميز |
| الساعة الآن +4: 03:48 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
