قبيلة بني رشيد - ماني عدوك واعتبرني اخيكـا !!!!

السلام عليكـم ورحمـة الله وبركـاته

قصيـدة جاءت ردا على احد اصدقائي الذي لا تحضرني قصيدته التي حوت موضوع خاص بينـي وبينــه ،،

اتمنــى من كل قلبي ان تنـال على اعجـابكـــمــ ،،،

،،،،،،،،،،،،،،،،،،،،،،،،،،،،

جينــا بهــا واليــوم فيهــا نجيكـا ،،، ياللـي تحــرى طيّــب الشعـر جـاكا

شيٍ على بعــض الامـور ايحـديكا ،،، كنـك مـع الاصحـاب تبغى العـراكا

كـانك على قــافــك تفــرّك يـديكــا ،،، انـا ابــدع القيفـــان وآنــا اتراكــا

خيـــلٍ تخلــي مــا تمـــره دكيكـــا ،،، وسيوف من طول المغيـبـة تشاكـا

العلـم يالصـاحــب نشـوفـه ركيكـا ،،، والله ما ندري وش مــداه ومـداكا

خليتـنــي مـا بيــن هــذي وذيكــا ،،، عــزالله انـك مـا كـرمـت ابعطــاكـا

مانـي عـــدوّك واعتبــرني اخيكـا ،،، ولا بحسبـــــة عمــــك أو أبــاكـــا

ولا معلّـــــم بــالمعـــالــي يبـيـكــا ،،، اقيمــك واخبــرك وش مستـواكـا

لا تفقــــد إلا طيـــبٍ مشتـــريكـــا ،،، اللـي ليـــا جــا باللـزوم احتمــاكـا

لا صـار جنبـك يبعــث العــز فيكـا ،،، وليــا فقـدتـه يحســن اللـه عزاكــا

عرف النشـاما بالفخـر يكتسـيكــا ،،، والطيـب مكســب طيّـب الله نبـاكـا

هذا جوابـي والســلامووو عليكـا ،،، دمــت بمحبـة واسعـد الله مسـاكـا

،،،،،،،،

اخـوكــم : مخلــب الطيـــر

،،،،،،،،