يا وسع حلم الله على ظلم بشار=البعثي الطاغي عدو الفضايل
محور شرور الأرض وشر الأشرار=عدو الأمه في زمان الهوايل
النعجه اللي يجهل الوقت لا دار=فرعون سوريه زعيم المحايل
الخاين اللي قاد من شرق الأخطار=(كلب العرب) شين النسب والخصايل
عون اليهود ومن لنا لد الأنظار!=وفي بيعه الجولان لغز؟ ودلايل
الله لا يثري ثرى كل من بار=من بار في شعبه يذوق النكايل
الظلم مايرحم وما صابه نذار=وكم واحدن قبله قوي المهايل
أجدثته من يم الأجداث الأقدار=مضرب مثل معروف مع كل قايل
قبله معمر راح وشتال قمطار=من عقب ترويضه جميع الحمايل
أصبح مثل دارج مع كل تيار=ما فاده صياحه وقدح الفتايل
اليوم فلمه بالمحطات دوار=تهديده الماضي لغيره ؟ رسايل
يا فكرتي يا نكرتي من ذا الأخبار=الي تجينا من جميع الوسايل
قامت فتن بالشام والي ذكر صار=والرمي حامي وحمر الدم سايل
ضحية أبادت منافق وغدار=صارت على مرئ ولا حال حايل
الموت واقف يا خذ صغار وكبار=والدم ما يغسله وبل المخايل
فاق (النصيري) من سباته على الدار=ورجع على شعبه قديم الفعايل!
بطش وحاول يخمد النار بالنار=ولحق بجيرانه جميع الخمايل
على جبينه شارة الخزي والعار=مذمة التاريخ شين السلايل
أحمار فرس وقبله أبوه مكار=يا خبث أبوه وخبث ما كان شايل
تاريخهم عدواني وصنع كفار=بخيانة الأسلام ماله بدايل
عانه على شعبه سعى يطلب الثار=للحقد والخسه بقلبه فصايل
نذالته مشهوره بكل الأقطار=عايل وبوه الي مربيه عايل
يالله تقوي شوكة الجيش الأحرار=عساه يدرك من عن الدرب مايل
ونسمع نباء مقتل عصابات بشار=أيامهم لا شك باتت قلايل

منصور بن صبح

أرى في قصيدتك حرقة المسلم الغيور على دينه وعلى أخوانه المظلومين سطرتها بحنكتك الشعرية المتفرده

يارب تنصر الشعب السوري على الطاغيه وأعوانه

صح لسانك يابن صبح

قلت فابدعت لاتحرمنا من جديدك

صح بدنك يا بروفسور

وكل ظلم يهون عند ظلم بشار !!

صح بدنك

والله يتقبل منك

أشكرك على المرور

اقتباس من مشاركة الحر النداوي (المشاركة 2764979) منصور بن صبح أرى في قصيدتك حرقة المسلم الغيور على دينه وعلى أخوانه المظلومين سطرتها بحنكتك الشعرية المتفرده يارب تنصر الشعب السوري على الطاغيه وأعوانه صح لسانك يابن صبح قلت فابدعت لاتحرمنا من جديدك

صح بدنك يالحر النداوي

والمسلم أن ما غار على دينه ماهو مسلم

تشرفت بمرورك الكريم والله يتقبل دعاك ودعاء

كل مسلم ويسلط على الطاغيه بشار

مشكور والله يعطيك العافيه