قبيلة بني رشيد - كامــل وعيبــك >> تبعــت المذهــب الجعفـــري

الظاهر إني بحبك من هجاد بهجاد
تبيع قلبك بسوق الحب .. ما تشتري

لا تحسب إن الهوى والعشق بيع ومزاد
إحساس يكتب من الوجدان ما ينقري

اللي ذبحني عيونك حورها والسواد
والنظرة اللي تطول رمشها مفتري

أخاف بكره عليها يعلنون الجهاد
لو كان أشوف إن عظمك بالمحبة طري

لفيّت .. ما شفت مثلك من بلاد لبلاد
كامل وعيبك تبعت المذهب الجعفري

خل السياسة تولي وأترك الإقتصاد
الحب والعاطفة .. موضوعنا الجوهري

يا طول دربي ودربك .. مير جاك الوكاد
أمشي على طاعتك .. قدام وألا قري

وإن طعتني لا تجازيني بصد وعناد
أنا دخيل القميص اللي بصدره زري

يا كثر ما حذروني ناقصين الوداد
منك .. ومن عينك اللي غزوها بربري

وإن كان ودك تسكت مطلقين الجراد
عطني يمينك ومس خطاك وش تحتري

من قبل لا أمرض ولا ينفع حبوب ومضاد
من نسبة الضغط وألا نسبة السكري

أبعتزل حبك إليا صار فيه إبتعاد
مثل إعتزال الدخيل وقبله العنبري