مادام عادل يابيض الوجه موجود = ماضنتي تصلح بموكب قيادي
خلك مع الجمهور لاتصير مقرود = ماوهق الجهال غير العنادي
انا طلعت وفيه مليون حاسود = كلن على ضدي يشد الشدادي
دخلت حرب بلا مدافع ولاجنود = حرب الاقارب والاهل والبعادي
والله عطاني كل ماطالت ازود = لين ان قايدهم رضخ للقيادي
ياكم عدون هاز وقفاء ولايعود = من ذاق سهمي ماهتنى بالرقادي
حطيت الي بصمه على ووجيههم السود = بصمت تعقد بالوجيه السوادي
واناولد مرزوق من ورثت العود = من روس قومن بالمواقف شدادي
عزمي ورثته من ابي لسابع اجدود = عاداتنا نروي السيوف الحدادي
حنا بني شويلع اليا زعزع الذود = من دونها نكسر عزوم الاعادي
ناقف لها بالعزم والسيف مجرود = ومن دونها يرعب رزيم الهنادي
ياكم عقيدن عن مطاياه مجرود = من ضربنا روح مع التيه غادي
وان جيتنا بالطيب فالطيب محمود = معنا تلاقي كل زين المبادي
تلقى بنا خوه وطنخه بلا حدود = وللجار نصبر فوق صبر المهادي
والضيف يلقى عندنا العز والجود = نصخي له الترحيب من قلب هادي
واليوم نعم الحق نعمن بالاسعود = نعم نعم اهل الرسن والشدادي
اهم حماة الدين والحق مشهود = من خيرهم عشنا بنعيم البلادي
وختامها صلو عدد رايح النود = على النبي اللي امر بالجهادي