ما ضميت إلا لقـاه ولا شربـت إلا غيابـه=ولا طعني غير سكين المـدى بينـي وبينـه
ولا كتمت إلا السؤال إللي هدب عينه جوابـه=ولا عوى ذيب المشاعر غير جوعان لحنينـه
وما طوى قلبي هجير الشوق ووجعني صوابه=لين حبل الوصل ودّعته يدينـي مـن يدينـه
ما ملكت إلا غـلاه ومـا شكيـت إلا عذابـه=ولا فقدت إلا الملاك إللي منه روحي حزينـه
ولا شرهت إلا على همٍ وسط قلبـي لجابـه=ما عليه عتاب مير ظروفي وجايـر سنينـه
حملتنا ثقـل هـم البعـد واعطتنـا ثيابـه=وما ذكرت إلا وفاه ونجله وضحكـت جبينـه
وما التفت إلا لبارق وسمه وصافـي شرابـه=وما انجذبت إلا لحمر شفاه ولا نجـل عينـه
ليت ما سار القدم حتى الحزن ما يفك بابـه=والفرح يبقى مقيم وله وسـط قلبـي مدينـه

اقتباس من مشاركة سمو المجد (المشاركة 2740677) مـــــا ضـمــيــت إلا لـــقـــاه ولا شـــربـــت إلا غــيــابــه ولا طـعـنـي غـيــر سـكـيــن الــمــدى بـيـنــي وبـيـنــه صح السانك واعتلا شانك ابيات رائعة تسلم

اقتباس من مشاركة بروفسور الشعر (المشاركة 2740710) صح السانك ابداع لاهنت تحياتي لك

اقتباس من مشاركة ابن شلال (المشاركة 2741787) صح لسااانك واعتلى شانك قصيدة تحلق في سماء الابداع ....من شاعر مبدع ..سلمت يداك وسلم بوحك