|
تقييم بخصوص الشاعر ابووو شرق
السلام عليكم ورحمة الله وبركاته
اول شي القول للعير صلى على النبي اللهم الصلي وسلم عليه وهاذ راي العير بابو شرق اقتباس من مشاركة=العـير اذا تبي اللي مايجااملك انا وابوتو والبواردي وقناص الضواري والسبع الضااري مايجاملوون وانا بعلمك وجهت نظري فيك انساان ضغط وثقيل بالمنتدى وتسوي فاااهم وشاااعر وانت لاتملك فن الثنتين وجهت نظري واتمنى ماتزعل من اخووك العاار يعلم الله ماعرفك بس من معرفت المنتدى حكمت عليك وبتعليقك وتواجدك عرفت ذالك من شخصيتك والله اعلم وانا بعطيكم رايي بكل صراحه وبدوون مجامله انا فتحت الماضوع بخصوص الشاعر ابو شرق انا اعرفه اول مادخل المنتدى كان فيه واحد فاتح ماضوع قال انا والله ماني شاعر محاوره تبيني العب معك بس مدري ويش صار وبعد فتره قام يالعب ابو شرق ويشهد علي الله اني ماجامله اني اشوف ابياته ابيات شاعر متمكن وانا والله ماني شاعر ولاكن مالقوف هههههه واشوف ابو شرق شاعر واذكر انه لعب طاروق مع مصفي المرح وكان الطاروق بصراحه اعجبني هاك الطاروق بس فيه مشكله مدري ابو شرق معه حق يوم شطح والا لا اسمعو الطاروق وعطونا رايكم ابو شرق يامصفي المرحان انا وياك والمغزى بعيد=بالليلة اللي طيبها في فالها وعقالها انا اتحدى في معان الشعر وابيات القصيد=وام الكباير لاحضرنا يسكتون اعيالها مصفي المرح سج القدم مالك ياغير الي مع الطرقه يزيد = شوف الثريا بالسماء واليا بغيت ارقى الها انته كفوء ومجربينك مير لاتحسبك وحيد = وام الكباير ديسها لوهو عصوص اشوالها ابو شرق حنا نغني بالخلا ماعندنا معنى جديد = لكن رجلك سجها ورجولنا تبرالها نبا نذكيها ذكاه من الوريد الى الوريد=ونخلي اليتمان تقعد بالنفود الحالها مصفي المرح نبغى نغني بالخلا والوضع محمود ومريد = وانت الاشاره تخبرك في حجم روؤس اموالها لاصرت في عال الرجم والراس مرفوع وعنيد = خل اللوطى للي يسع تكفي تعاست حالها عاد هنا ابو شرق التبس عنده الوضع بس رده ماعجبني المفروض يكوون سياسي ابو شرق انا تراني في حياتي ماقبل المد الزهيد=والبايره نرمي بها بالارض مانشتالها انته ليامنك نطقت الناقصة وش تستفيد=تشره عليك اهل الفعول اللي حشام اسبالها رد مصفي المرح يقول ماقلت كلام ماهو زين ولاكن دقق يابو شرق مصفي المرح اوصيك لاتفهم خطى عيد النظر دقق وعيد = ماودي اساومك في بقعا ولا بغى فالها اليانطقت الناقصه ثبت عليه يالعميد = لكن تموت ولا سمعت الي نقص مكيالها ابو شرق رد اعجبني بس لو كان بموضع ثاني مو بالمحاوره هاذي ابو شرق انا رجل ماني غبي وانته بعد منته بليد=وبيوتنا دون الحناشل محكمين اقفالها انا بوسط الحرب ماعندي سوى سيف ن حديد=اقابل الاخصام واجزيها بنفس اعمالها الشطر هاذا انا رجل ماني غبي وانته بعد منته بليد طيب ندري انك رجل وفيه ارجال دلوخ وفيه الذ كيه يعني بختصااار شديد ماحسن ختيار المفرده رجل لو قال مثال ذكي تجي مع غبي رجل تجي مع ورع والا بنت المهم رد مصفي المرح رد مايعلا عليه رد بمكانه مصفي المرح بعد استعذت بخالقك ماطعت ملعون الكديد = أنا تعامل معك وبيوت الشعر بامثالها قبل امس ماشفت البحور الي تبارى ماتهيد = مير البلا في روؤسها عم السبب لذيالها ابو شرق شاعر كارثه بس فيه عيب وكلنا مانخلا من العيوب انه يفرك هههههههه بدوون استئذان وهاذي مو من الصالحه محسوبه عليه يربع اللي عنده راي يبديه ابو شرق موكلني وكاله عاااامه والله العظيم ان ابو شرق شاعر واني معجب بابياته وتحيه مني لــ بو شرق ويشهد علي الله اني ماعرفه |
عليكم ورحمة الله وبركاته
لي عوده ياقناص الضواري وابشر اللي تبي |
مشكور ياقناص الضواري على هذا الاستفتاء عن الشاعر ابو شرق
بانسبه لشعر ابو شرق شاعر قمة ويتعب على القاف وابياته تخلو من الحشوء والجبر لكن عليه ملاحظة خارجه عن الشعر . وهي ردودة على كل من انتقده وهي سعة الصدر الزايدة وهذا الامر جايز ومحبوب لكن اذا النقاد لايملكون النقد الصحيح راح يدفع الثمن غالي وهذا ماحصل له في اخر الوقت .. صارو يتطاولون عليه في بعض الردود وفيه مجموعة لاتحكم على الشاعر الا عن طريق الردو د ينظرون له اقل من مستواه الشعري مع العلم ان فيه شعار يدركون و يحكمون عليه من خلال عطاءه وهم لايختلفون على ابداعه وتطوره نبغى نغني بالخلا والوضع محمود ومريد = وانت الاشاره تخبرك في حجم روؤس اموالها بالنسبه للبيت هذا هو حلله على المعنى السطحي .. وقد يجوز انه على شان اعيووون السطحيين وكانت المشكلة عنده كلمة الخلا و مريد والقصد من كلمة نغني بالخلا يعني يكون المعنى بيننا لاحد يعلم عنه غيرنا والوضع محمود ومريد يعني حتى وأن تجاوزنا الخطوط الحمرا مثل بعض المواضيع المحظورة المعنى مغطا .. ومقصدي بالاشارة هو انك شاعر تفهم المعنى وهذا الاسلوب العبه مع الشاعر المتمكن فقط وفي نهاية الامر هو ردي على بيته هذا حنا نغني بالخلا ماعندنا معنى جديد = لكن رجلك سجها ورجولنا تبرالها وهو قصده نلعب خارج المنتدى على مااعتقد |
السلام عليكم
اولاً اخي قناص مشكور على هذي المبادرة الطيبه وثانياً العير لم يقلل من شاعريت ابو شرق او ينتقده هو وجهه له نصيحة وهنا يكمن الموضوع ويكمن لقافة قناص على ماقلت وبما انك قلت انه غير شاعر بأول المشور !!!؟؟ لماذا يلعب مع الشعار ههه!!؟؟؟ ويخيييي قناص اذا تبي تستدل بشاعريت اي واحد يلعب مع الشعار المذكورين من قبل العير واضيف ابو الصعاليك وخو جزعه لماذا استدليت بمحاورته مع مصفي !!!!!!!!!!؟؟؟؟؟؟؟ فهذا غير شافي حسب اعتقادي وهذي وجهت نضر تخصني فقط فهناك شعار لهم كل الاحترام والتقدير نفس السستم والموضوعية والمنهج واذا تريدني اذكر اسمائهم ماعندي مانع يصلحون يلعبون مع بعض ونطلع من المورد بدون حمص ههههه مشكوووور ياقناص على هذا التقييم وابو شرق يعجبني بسعة الصدر وطولة البال مو مثلنا مذاهبهم احجازية ههههه |
إقتباس:
|
إقتباس:
مشكوور يمصفي المرح على توضيح الابيات ابو شرق شاعر وهو فسر البيت على الشكل السطحي ولاكن لاتقلل من شاعريته وشكرا لك |
ياليت كل الشعار مثل أبوشرق كان كل ليليه الحر النداوي يلعب الطواريق فالمنتدى هههههههههه من زمان مالعبنا معكم ياشعار عبس ترقبوا محاوره من العيار الثقيل قريبا ههههههههه مشكور ياقناص الضواري |
وجهت نظري واتمنى ماتزعل من اخووك العاار يعلم الله ماعرفك بس من معرفت المنتدى حكمت عليك وبتعليقك وتواجدك عرفت ذالك من شخصيتك والله اعلم
ماشاء الله تبارك الله يالعار تعرف الرجال من كتابتهم بس وتحلل شخصياتهم بعد والله منت هين يالعار اكيد تحمل شهادة دكتوراه في تحليل الشخصيات عن طريق الكتابه ابو شرق شاعر ومحترم نفسه والدليل مارد عليك وزعل منك هذا يدل عل اخلاق الرجل العاليه ومحترم نفسه تحياتي لبو شــــــــــــــــــــــــــــــــــــرق |
| الساعة الآن +4: 03:52 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
