على عدٍ توارده الضوامي كل حدب وصوب=انا الجمال والمطرق معي والزمل معقوله
احد رجال في ثوبه واحد مخيول داخل ثوب=واحد له هرجةٍ بين العرب تسمع ومقبوله

علي عد الروا تسنا السواني والحبال غروووب = وتروا الباركه والقايمه وشعيل بحمووله
الا يالكابتن الي وصلك يم السما مركووب = لو اتمد اصبعك يم القمر يمكنّك اتطوووله

على قولك مدام الماء من الجمه وصل مجذوب=ابا اصدر وشوفوا ضاميٍ وارد وصبوله
على هالبيت هذا تستحق اعطيك سمن وروب=وانا صاحبك والمده من الاصحاب منقوله

لو انك مانت كابتن كان قالنا فالزووم تنووب = ولكن نمرتك لاجيت ادق الرقم مشغووله هههه
ابا قوو الك مقبووله لو ان المد رووب بكوووب = وانا اكرم لك بعيرٍ له سنام امن الشحم طوووله

انا الكابتن ماني غيره يجيب الهرج بالمقلوب=تحركني علومك مير جنسيتك مجهوله
عن علومك مع اصحابك بصف السادسه ما توب=لكن اركب بعيرك وخذ فوقه صوله وجوله

علي هوونك ترانا مانغني لك علي المسحوووب = ولكن لا يعلك عارض الساحل وهملووله
ابا وفي معاك الصاع وشدادي علي المنجوووب = ونيتك السليمه لاتقلب وهي مسؤووله

اذا تقدر تسولف كم بقى تحت الرحاه حبوب=عشان اعطيك حقك لاتقول الهرج وشهوله
تقوله وانت مع علباك يالراع الجمل مقضوب=يبي درب السلامه مير غره ما هو بحوله

نبت لك ريش ياطير السعد ياقصّير العرقووب = يبي ينش السحاب وماسكه راعيه بحجووله
تقضب لك بقشه وانت جنب الضلع يالمنكووب = تراك اثقل من القشه وجنب الضلع ياهووله

ابا اسولف معك بسلوب لين تروح دون سلوب=وانا اتكلم كذا لمن لقيت وجيه مغسوله
مداك بعيد يادوبك مشيت اول خطا يادوب=لكنك حي في روحٍ على الانعاش محموله

ابا ادخل هدف يفرق عن اللي دخل الشلهوب=اسد القوم ما يدري عن الاهداف قولوله
لسانك كل منطوقه شعر مير الليالي عوب=ماتسمح لك تغني حكم شعب اطبقه دوله

ترانا نحسبك مثل القمر مانحذفك بالطووب =ولو جيت بليالي مسفره ماهي بمكحوووله
ضحكنا للوجيه وصار من خلف الوجيه قلووب = ثناياها تلاعج والقلووب الدغم مقفووله ههه

ياصبرك ما حفاء وجهك وانا معرضك للاهوب=قوي الحيل ينطح حامي اللاهوب برجوله
علامك يوم تضحك للغريب وتستبيح ذنوب=وابوك اللي يدن النجر لاهل الطيب والطوله

غسلك العارض الناشي وطفا دقنك المشبووب = شريم اليا نفخ ناره كلت دقنه وهدمووله هههههه
انا مسلم ولا مني تبسمت الاجر محسووب = عساها صدقةٍ في وجه مسلم لا تخفي زوووله هههه

لو اضرب لك مثل لاصرت انا الضارب من المضروب=ماهي عمله حسابيه عيون المنضرب حوله
حليلك تحسبنك طالعٍ منها بلا عذروب=ترى خلص رصيد المحترم لكن قطوله

انا ماقوول لابوو قروون عن نطح الرواسي توووب = لون الوعل عند الشامخ البادي قضا حووله
مدام انك علي جال البحر لا تكثر المشرووب = ياراع الغتره البيضا ترا غترتك مبلووله هههه

ترى ما انته على دف الجبل مرغم ولا مغصوب= ترى حاصل نتاجك كلها ونه وزعبوله
على جال البحر رجلي بالماء وجانبي محبوب=اغنيله طوارقي وامسح فوق مجدوله

انكخ به من المغرب يحسبه ولد موهوب=اثر الطق بالميت مثل صادق على اصوله
ياليت الشبل ممسي بالعرين ولانخطف منهوب=ياليته بالعرين امسى لونه وسط زهموله

تنكخ لك جبل والراس من نطح الجبل معطووب = يفوور الدم في راسك وتشرب عينك سيووله ههههه
توجد وانت يالكابتن علي امرك مكره ومغلووب = ولكن خوتك وياي محفووله ومكفوووله

يقولون السحاب العصر وش سيل وقلت دعوب =يعرفه من بخص وقع السحاب وشاف هملوله
علومك كلها حلوه متى طعم الكلام يذوب=متى السهران يلقى حاجته ويطش شملوله

ابا اكبر لك اللقمه ماني منقص معك ماجوووب = عسا الشطان يسري خايبٍ ومسحب ذيووله هههه
انا مابيك تصبح يالمطوع للخزا مندووب = وتكرم لحيتك واديك في لحييك مغلووله

عسى لقمتك تشبع معدتك يابو بطن وجنوب=ما حاصلك مكاسب عقدتك بالحبل محلوله
انا ان اذنت وقت الصبح ريعك بالفجر مشذوب=وابي تدري صلاتي عقب وقت الفجر مقبوله

علامك ماتبينا نكرمك لو من ورا الحاسووب = انا ليّه عليك احقووق يابوو زيد مدبووله
عسا تقبل صلاتك مايردك راسك المعصووب = ليا اذنا علي اذنك تستفيق وتنهي الجوووله هههه