بديت ذكر اللي بعفوه رجيته = اهو الكريم اللي بعبده رحومي
غنيت يوم صفيط دربه لقيته = واليا نشدوني قلت رحت معزومي
ديرة رجال شيوخ ما هو نبيته = يوم العرب صولات قوم وقومي
جابر مبارك كنه بسمة نخيته = يبدي التحية قبل يأخذ علومي
والظاهر إني بالردى ما هقيته = إبن مبارك جعل عمره يدومي
مهيمزي والكل يعرف بصيته = احسب حسابه من رجال قدومي
مهامزه علم الشرف محتميته= إليا صاح صياح العرب قام يومي
جابر على وقت اللزوم أمتنيته = وإلا رجال الكبر عنهو نشومي
كبار النفوس قلوبهم مستميته= اللي معرفتهم تجيب الهمومي
وبيت الردى من خلقتي ما نصيته =غير الرجال اللي تعرف السلومي
والقاف من غاية ضميري بنيته = يبقى مع التاريخ مثل الرسومي
شعر النبط من خلقتي ما اشتريته = درستبه وأخذت رخصة عمومي
ومن يفعل المعروف أنا ما نسيته = وحلفت انا باللي ينشي الغيومي
سبحان من بأمره وحكمه رضيته = اللي فرض العبد حج وصومي