قبيلة بني رشيد - الحلم-للشاعر عبدالحكيم عبدالله الرشيدي

البارحه حلمٍ عرض لي عسى خير..فزيت من نومي وانا قبل غافي

أهلي وارحب بسيد الغنادير..يوم انتبهت اشتم واللعن لحافي

بيني وبينه مبعدات المشاوير..العراض السهال متعبت كل حافي

عليه قلبي فزته تسبق الطير..يكفخ وتردعه الضلوع النحافي

ويحن له حنت خلوج على ضير..جاها على مذبح ولدها العيافي

وساقت هواجيسي وورود ومصادير..سوق المزون اللي سحبها الطخافي

ياظـنـتــي مـــالــه حلـــيٍ مع الغيــر..الا مـــايعـــلم عــليم الــخــوافــي

انا اشهد ان الحب بلوى ومقادير..ياشين فرقى اهل القلوب الولافي

صارت عليه قصة عرار وعمير..واكثر سببها اهل العقول الخفافي

قعدت بين قليل الخير وصوير..كل يواعدني بحد الرهافي

وابعد اليا صكت عليه الشناضير..ولاقربت الحية ومرقى الحقافي

يعوضني درب اليسر بالمعاسير..مالي ومال مغثربت كل صافي

عسى على ديرهم تهب المعاصير..ويسفي عليها من الذواري سوافي