ياللي شكيت الهوى خلني على فالي=أحسن ولا اعيش معك احلام ورديّه
تتعب وتشقى وتاليها على الخالي=والبنت ماترحم المجروح موليّه
بنات هـ الوقت حيّاله وحيّالي=من بين ميّة بنيّه تطلع ابنيّه
مايترس اعيونهن غير اشهب اللالي=كذاب من قال عاملهن بحنيّه
أن طعتني خلّها والحق ينقالي=اسحب عليها (،،،،،) وجنب الحيّه
لا ملّتك لقّتك صوب الخلا الخالي=تمشي لحالك معاك احبوب نفسيّه
خلك طبيعي وخل (حالك مثل حالي)=عايش حياتي مثل ماهي طبيعيّه
سبعين بــ الميّه امن ارقام جوالي=مسحتهن كلّهن سبعين بــ الميّه
ماعادلي بـ البشر والقيل والقالي=من زامي للبيت واروح الدوانيّه
جاك الكلام الصحيح وربي الوالي=بس انت لاضقت خل روحك رياضيّه

اقتباس من مشاركة سالم الرشيدي (المشاركة 2641726) انا اشــٌهد صح السآن شآعرهـآ صح احسآسك يآبـن بـرـآك وخل روحك ريآضيه وعجبني البيت هذـآ هع أن طـعـتـنــي خـلّــهــا والــحـــق يـنـقــالــي اسحـب عليهـا (،،،،،) وجـنـب الحـيّـه

اقتباس من مشاركة دمعه (المشاركة 2641837) بـنــات هـالـوقــت حـيّـالــه وحـيّـالــي==مــن بـيـن مـيّـة بنـيّـه تـطـلـع ابـنـيّـه الله الله صح ذوقك وصح السان شاعرها