انكساري ظلم في هذا الزمن=في زمن فيه الردايا طيبين
لو كسيتيني وفا.. حب.. وحنان=صدقيني في النهايه تندمين
انتي مجنونه ويكفيني إجنان=هدّي.. هدّي يا عسى ما تعقلين
معاهدك باللي عليه المستعان=لأتبّعك باللي تبين وما تبين
كان قلبي فزّ مع غيرك وخان=قولي كل الخلق مثلي خاينين
ما عرفت المسك وإلا الزعفران=لين ضميتي خفوقي باليدين
لين ضيّعت المكان بهالمكان=لين حسيت إني شيخ العاشقين
ايه شمعه بس صدري شمعدان=مهما نورتي بصدري تنطفين
ليتها جروحك معي عشر وثمان=مهما عديتي معاي تضَيعين
كل جرح أغلى من الثاني عشان=أذكرك في كل مرّه مرتين

اقتباس من مشاركة المشعل (المشاركة 2597497) رائع ابو فيصل وذائقه شعرية أكثر من رائعه .. صح السان شاعرها وصح ذوقك واختيارك ولاهنت ..