|
قصيدة كتبها شاب صار له حادث سيارة ووالدته توفيت لاتفوتكم 00
قصيدة كتبها شاب صار له حادث سيارة ووالدته كانت معاه وكان مسرعا
نتيجة هذا الحادث الوالدة توفت نتيجة الإصابات الخطيرة وهو إصابته كانت خفيفة وهذي الأبيات قالها للي يواسونه تخيل أنك مكانه بعيد الشر فمن له والدة على قيدالحياة ارى ان يحمدالله ويبرها فكثير منا مقصر مهما فعل ومن توفيت ( رحمها الله ) لاينساها من الدعاء والصدقة . يواسيني وانا الميت وحالي يجبر الدمعات .........................تسيل من الذي فيني ويبكي وهو يواسيني وانا ابكي واتنهد وارسم بالحزن لوحات ........................يجبروني عشان امشي ورجلي ما تمشيني قتلت رعايتي بيدي قتلت الحب والرحمات ..........................حرمت النفس من حقها وانا ابكيها وتبكيني وكنه حلم قدامي يقيدني من الصرخات ........................ابي اصحى ولكني عجزت القى الي يصحيني فداك القلب يايمه ومهما قلت من كلمات ............................صغيره في كبر حقك بس اتمنى تعذريني نهبت الفرح من بيتي صحيح اني خسيس الذات ..........................صحيح اني ولد طايش وكل ما أسمعه فيني تجول عيونهم فيني تفصل مني قياسات ...............................وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة .................................وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات .........................................وصار الهم عكازي اباكيه ويباكيني عطيتيني بدون حساب ولا سمعتك تقولي هات ..................................وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات ..................................واقبل ايدك ورجلك وافرش لك رمش عيني يايمه ما تحملهم يقولوا فات ما قد مات ..................................تعالي غيري هالقول واطيعك باقي سنيني واترك عادة التدخين وانفذ ما تبي بسكات .............................واصلي الفجر في المسجد قبل منتي تصحيني يايمه ارجعي تكفين وطفي شمعة الآهات .......................................ابيك انتي ولا غيرك على موتك تعزيني وضميني وداويني مثل ما كانت الهقوات .................................ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات .............................................انا مقوى ابكيك اذا انتي تبكيني منقوله ودمتم بعااافية ،،،،،، |
رد : قصيدة كتبها شاب صار له حادث سيارة ووالدته توفيت لاتفوتكم 00
قصه مؤلمه ونقل موفق ورائع الله يحفظك من كل مكروه. |
رد : قصيدة كتبها شاب صار له حادث سيارة ووالدته توفيت لاتفوتكم 00
قصه حزينه اللة يعطيك العافيه على الموضوع
|
رد : قصيدة كتبها شاب صار له حادث سيارة ووالدته توفيت لاتفوتكم 00
قصه حزينه اللة يعطيك العافيه على الموضوع
الله يرحم امه واموات المسلمين ويشافيه ولايرينا مكروه ولنتعض من القصه ياخوان لك تحياتي ايه المبدع خليفه الرشيدي |
رد : قصيدة كتبها شاب صار له حادث سيارة ووالدته توفيت لاتفوتكم 00
الله يعطيك العافيه على النقل الرائع
|
| الساعة الآن +4: 02:24 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
