الا يامدير المنتدى فالك التوفيق=صراحه على هالمستوى تشكر جهودك
بذلت الكثير الي مايحتاج للتعليق=وترى نايبك وعضاك هم قوة عضودك
ومدراء النوادي والمراقب بلى تفريق=صقورا تشد زنودها البيض بزنودك
شغاميم قوم" بالملاقا تفك الضيق=سلايل بني عمك اليا عدت جدودك
يمين" بلى يسرى مايوحالها تصفيق= وقضايا المحاكم تطلبك تحضر شهودك
واليا احضرت معك شهود صار ابلج الطريق=تكلم شهودك عن قضاياك وحدودك
واذا ما معاك شهود في ذمة التحقيق=تشعب عليك و تختلط بيضك وسودك
قصير الحبال من الضماء مايبل الريق=ياجم" قراح من الروى تنهل ورودك
ضربت المثايل للتكاتف وللتطبيق=بعد يامدير المنتدى كثرت اوفودك
نبا نرتقي في منتدانا سما اللتحليق=علوم" تنول اعجاب زوارا ترودك
عن الوصف والموصوف والعرض والتنسيق=يحدد على بعد المدى نقصك وزودك
وتحيه متوقها شذى وردها تتويق=على كل من شارك وحافض على بنودك