الشعر له حزه وللمزح حزات=وحنا دخلنا بالبيوت الثمينات
وانا قريت الفاتحه والتحيات=ومن ماتقاضى حي يقمح ليامات
يابن سنان الشعر له حزات=وانته وانا بالماقف الحامي

سوق المعاني بالبيوت الجزيله=ولايلمس القداح خشم الفتيله
وكلٍ على ماقيل فكره دليله=ومن ماتقاضى حي يقمح ليا مات
شيبت ماباقي كثر مافات=واللي يطش الشاره الرامي

ترى المواقف مالها الا اهلها=مثل الحموله مالها الا جملها
والنفس مجزيه بقدرة عملها=ومن ماتقاضى حي يقمح ليا مات
ان كان راحن العلوم وجات=خلك معي والدرب قدامي
أحسب حساب السالفه يالرشيدي=مال الحديد الا قوي الحديدي
واللي قريبه ماتدور بعيدي=ومن ماتقاضى حي يقمح ليا مات
خابرك تبغى تجمع القوات=لكن مالك لحم وعظامي

الليل باقي والخبر جاك توه=وانت الذي تبغى تسويه سوه
اما نجيب العلم ولا انت ضوه=ومن ماتقاضى حي يقمح ليا مات
انا مع الله غافر الزلات=لاطف بحال العاطش الظامي
نبي نتحرى للخبر بالجريده=وانا على ماقلت ممشاي سيده
ونشاهدك بيام فرصه سعيده=ومن ماتقاضى حي يقمح ليا مات
كانك نويت تغير النيات=الموت يابو زيد بحزامي

ماني بسامع في كلام تقوله=مانته نبي الله ولا انته برسوله
حنا ليا جا الحرب صوله وجوله=ومن ماتقاضى حي يقمح ليا مات
ان كان ماتقدر على الصكات=لاتعترض صكات الايام

حنا ليا جينا نجيب الخبر زين=واللي عطي وحده يجازى بثنتين
حاضر بحاضر مانبا للعرب دين=ومن ماتقاضى حي يقمح ليا مات
خلك على دربك وود ووهات=تصلح مع الاسواق عرامي

خل البطوله عند راعي البطوله=والعلم يعرف من مبادي وصوله
وخلك معي فوق السما وخوذ جوله=ومن ماتقاضى حي يقمح ليا مات
الحرب له وقفه وله ساعات=ولا انت اضنك مثل صدامي

راسي رفعته من ليال طويله=ويالمدعي هالحين وش تدعي له
والعايل اللي عال طشه شليله=ومن ماتقاضى حي يقمح ليا مات
ايامك اللي مقبله نكبات=ونمت غيرك ناس ماتنامي

راحت علومك كلها طاش ماطاش=ماغير تحذف لك بحذفه وتنحاش
ماتدري تبي تقسيط ولا تبا كاش=ومن ماتقاضى حي يقمح ليا مات
الله يعوضك في زمان فات=ياواحدٍ نايم مية عامي
وبعض الاوادم معرفتهم تجاره=وبعض الاوادم معرفتهم خساره
والحر يفهمها برمز الاشاره=ومن ماتقاضى حي يقمح ليا مات
لكن يلزمك العمل بسكات=ويوجهك للشرق والشامي

نبا نتمركز كان ودك تمركز=لكن لاتحفر تطيح وتلعوز
وانا التفتنا يابيض الوجه تعجز=ومن ماتقاضى حي يقمح ليا مات
هاذي سوات اللي نوى الحيلات=يبلش اليا شاف البحر زامي
عينك يابو نايف كبيره بصيره=لكن غلطتم ياكبير العشيره
الناس ماتصدق سوالف سميره=ومن ماتقاضى حي يقمح ليا مات
اهل اليمن لو يجمعون القات=مايخايلون البارق الشامي