أنا مجرح غلا وإلا أنت ما انت بجريح = ترقد على زل وتقوم الصباح محشوم !
ماتسمع الجرح , وضلوعي تون وتصيح = ياللي كساك الوفا والشوق وأنا محروم
خليت صدري ملاذ الحزن مدري ضريح = وصرفت له زفرتين الموت عند اللزوم !
ماتدري أني عليك من الوله ما استريح = أطاول الليل ونعاس العيون معدوم
أبيح بعضي وأنا مانيب مجبر وابيح = لكنك أسرفت وأخليت الحشا للهموم
أخايل البرق وآقف لك كذا لين أطيح = وأقوم لك منتصب وأعوّد إلك مهزوم
حاولت أعايش جفاك المر , ضاق الفسيح = أعياني الوقت واسرف بي : ياشراي سوم
غير الصراحة وش اللي ينتظره الصريح = ماعاد باقي صبر والمقبره للعموم !
جابتك من عالي القمة ذعاذيع ريح = وحليت بأرض الجفا والحي حي الرخوم
ولا يصح لنزيه العشق غير الصحيح = إن غيّب النور يسرى تحت ضوء النجوم
يأخذ من الوقت عبره وأن ضرب في قريح = مانيب له والعمار أن طولت ما تدوم !
مليت من غيها : يعني بروح أستريح = لا ماطاولن ليلها ولا معدي رجوم !!