تسلطن الشعر وتجلاّ ياهل الساس العريق
كنه نخلة ترتوي من مستهلٍ فوقها
اذا اعتبرتوه نخله ، مريت جدادٍ مويق
وانا بفضل الله اجد الطيب من عذوقها
واذا اعتبرتوه السحاب ، اديـّمه وابلّ ريق
والا .. ماني كفو لمواقيفه ولامنطوقها
ياضيوفنا ، ياحضورنا : الجَمْعهْ صديقٍ
مع صديق
فيكم تشرفنا وعين الدار يضحك موقها
يامرحبا ترحيبةٍ / مع الزفير وبا الشهيق
لكم تنفسّها صدورٍ رحّبَتْ من شوقها
نفرح بخطوة كلّ ضيفْ وكل مقبل مانضيق
مثل / ماناخذ حقّنا ... نعطي الرجال / حقوقها

ياليل فرحتنا بعز عيالنا .. زدها بريق
سبّـل لنا سحابةٍ واشعل رفيف بروقها
عند الخيارات .. انت للطولات يالوجه الطليق
عزّ الجناب اللي بباس الراس تدعس عوقها
شبّابة النّار ، وعوين الجار ، مزيان العويق
عسَّافة الصلف بليالٍ يصلفنّ طروقها
من عبس عبس / وجاه عبس لعبس من : ورثٍ عتيق
لليوم رغم الآف الاعوام ايغلي بعروقها
في ليلةٍ كريمة التوقيت في جمعٍ يليق
نقول لرجالٍ على الطولات تشعب نوقها :

عشتوا .. لكل من يستحق الشكر في أية طريق
عشتوا .. طويلٍ فخرها ... كنّ السما معلوقها
شكرا لكل انسان بافعاله يجمّل له فريق
شكرا لمن خطواته لدرب الصلاح يسوقها

ولرحمة الرحمان .ياصقورٍ على الحقّ الوثيق
ماساوموا دون البلاد / الطامعين بسوقها
………
للدين ، لتراب الوطن ، ولــ : طاعة الرب الرفيق
ماتوا فدا عرض امهم ، ماذوقوها عقوقها
………
ام الجميع بلادنا .. لو دونها تولّع حريق
نولّع ولا نسمح لبوّاق ليل يبوقها
ولو تختلط حناجر الدسايس نباح ونهيق
خيراً لنا .. زوّد تكاتفنا نباح حلوقها

من حقل الى جيزان ومن املج لياقاصي بقيق
هذي دياري ، كلّها ، شمسٍ فديت شروقها
حنّا قبيلتنا السعوديه على الفخر العميق
الكل فيها منتمين وكلنا معشوقها


أتمنى تنال أعجابكم