قبيلة بني رشيد - قصيدة موجهة للشاعر عيد مربح وفهاد بن ناصر

بسم لله الرحمن الرحيم

السلام عليكم ورحمة الله وبركاته

هذه القصيدة موجه للشاعر /عيد بن مربح والاخ /خليف بن عواض والشاعر /فهاد بن ناصر

لعيد بن مربـح ولخليـف عـواض
وفهاد بن ناصر نظيـف الضغينـه

أبشتكي من صار للحـال مقـراض
قلبن على الماضـي تزايـد حنينـه

تتلـه الذكـري ولاهـو بمعتـاض
تلـه سيـور المروحـه للمكيـنـه

يأهل المـروه يانظيفيـن الالفـاض
العرف مايعـرض علـى عارفينـه

ابي طرايف تجربتكـم بعـد هـاض
فوايـد ن تبعـد شـقـاه وتعيـنـه

كد قلتله ولي فرض خمس الأفراض
لو يرجع الماضي لا أرجـع سنينـه

وأعطية أمر تثبيت من ضلع لافياض
ينزل مـن الظلـع ويعـود البطينـه
ولكـن الدنيـا شعيبـن اليـافـاض
مايحفـظ المـاء ويتحـدر بحيـنـه

يغتر فيها مخايـل البـرق لانـاض
وتضيعـه ويضيـع أمـور ديـنـه

إليا نفظه من زايـد الشـوق نفـاض
يصرخ صريخ أصغيـرن بربعينـه

ماطاعني ومن الهوى كل الاعراض
علـى حركاتـه وعـلـى جبيـنـه

يبي زمانن فيه لاجـه ولاضـلاض
ومسرن بليلـن صبحـو سامرينـه

دورن بخيت أسرور أخذ فيه مركاض
قاول علـى شانـه طريـق المدينـه

والفرش والعزبه وتكميل الاغـراض
وسولفـن طـب القلـوب الحزينـه

على بكم شنطه وتوانـك اعـراض
ومشوكـن سرحـان يقطـع وتينـه

أخذة أنـا ويـاه مشتـاء ومقيـاض
مدهالنـا جـواً قبـايـل قطيـنـه

ماهمنا الراضي ومن راح مغتـاض
شيـن نبيـه بوقتـنـا محصليـنـه

ذاك الزمان اسمه علاجن للأمـراض
وعيـدن مـن الأعيـاد للمعيديـنـه

هذا وسلمتو عد ليلـن إليـا خـاض
جـو البـلاد وسـاد ليـل السكينـه

ولكم تحياتي