يزيدني شهرة،،ويزداد حقران!!(هجائية)
بسم الله الرحمن الرحيم السلام عليكم ورحمة الله وبركاته ،، أحبتي،،أسعد الله أيامكم..ولياليكم. متواضعة أتمنى أن ترتقي لمسامعكم.. هرج القفا،،
هرج القفا ضعف ومذله ونقصان=ولايصدر الا عن منافق وممهون طبعه لئيم ولادخل قلبه ايمان=مغبون في الدنيا وبالذنب مفتون ما يختلف في عرفه فلان و فلان=يدرون فيه الناس لو مايقولون تخالف علومه على غير برهان=لاهو بموزونٍ ولا الهرج موزون يسعى لتفريق الجماعه والاخوان=ولا هو خوي اللي على الخير يسعون صارت محشا ت الخلايق له ادمان =حتى الذي وسط المساجد يصلون يحلف برب البيت زورٍ وبهتان=سحا يبه ما قبلها برق ومزون لو فيه طب أعالجه قدر الامكان=عن علته كل الاطبا يعجزون يزيدني شهرة ويزداد حقران =عند الرجال اللي لمثله يحقرون خسران في الدنيا وتابعه خسران=غير الذنوب المهلكه مايحصدون ما عند مثله للرياجيل ميزان=خله مع امثاله عساهم يدجون خوته ضعف و نقص ماترفع الشان=والحر مايرضى على نفسه الهون مع خالص،، التحية والتقدير،، :: محبكم بندر بدر الرشيدي،، |
يسعى لتفريق الجماعـه والاخـوان
ولا هو خوي اللي على الخير يسعون صارت محشا ت الخلايق له ادمـان حتى الذي وسط المساجـد يصلـون يحلف بـرب البيـت زورٍ وبهتـان سحا يبه ما قبلهـا بـرق ومـزون بندر قصيده جميله ومعبره وصح لسانك يااستاذي |
يزيدنـي شهـرة ويـزداد حقـران=عند الرجال اللـي لمثلـه يحقـرون خسران في الدنيا وتابعـه خسـران=غير الذنوب المهلكـه مايحصـدون صح السانك اشهد بالله انها قصيده جزله |
يزيدني شهرة ويزداد حقران =عند الرجال اللي لمثله يحقرون خسران في الدنيا وتابعه خسران=غير الذنوب المهلكه مايحصدون ما عند مثله للرياجيل ميزان=خله مع امثاله عساهم يدجون بندر الرشيدي لك مني حبة رأس على هذه الرائعة صح السانك صح السانك صح السانك |
إقتباس:
بيض الله وجهك يابندر على هذه القصيدة المعبرة دائماً ماتاتي بالجزل ياجزل صح لسانك وعلا شانك |
أخي الغالي / بندر الرشيدي وفقك الله وسدد على طريق الخير خطاك وبعد : بيض الله وجهك بياض يدخلك الجنة يا أبا بدر صح لسانك وسلمت يمناك على طرح هذه الرائعة أسأل الله أن يوفقنا وإياك وجميع إخواننا المسلمين لما يحب ويرضى من القول والعمل إنه هو السميع المجيب وتقبل خالص تحياتي |
صح لسانك ملايين يابندر وبإنتظار روائعك بشغف.
|
صح للسانك
ايها العساف |
الساعة الآن +4: 03:42 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.