قبيلة بني رشيد - قصيدة = للشاعر عبدالحكيم الرشيدي

البارحه غبر الهموم اهجدني...القلب ضبسات الهموم اهجدنه

شبن شبوب وبالحشا وقدني...نار تلضى والضمير اوقدنه

اكنهن وسط الفؤاد اوحدني...لين ان سدي باح غصبٍ حدنه

باح العزا من ضامري واضهدني...والقلب من بين الضلوع اضهدنه

وش عاد لو دمع العيون اشهدني...لو مات عندي ميتٍ شهدنه

سود الليالي عن هواي ابعدني...مالي هوا وصويحبي بعدنه

دام الضروف القاسيات ازهدني...وهو بعد شد الظروف ازهدنه

طاوعبي اللي للبلى يخلدني...على هواهن عن هواي اخلدنه

عجزٍ على طول الدهر هددني...واستدخلن غش البلى وهددنه

ومــن الــبلى لعلـــهن يرتــدني...ماقــدمــن للــغافــليـن ارتـدنه

حسبي على اللي عن هواي احسدني..وعن شوفتي دمث الشفاه احسدنه

ان قلت انا مفتون فيه اللهدني...وان قال انا مجبور فيه اللهدنه

وانا على الجنب العسير ارقدني...وهو على تضليلته رقدنه

وهذي طبايعهن اليا نكدني...لا زان مشروب الفتى نكدنه

وعذلت قلبي يوم نجره يدني...نجرك على دو الخلا لاتدنه

وعصا من اهجوسٍ غصب بيدني...لحقن عليه وبالخفا بيدنه

وسهوم حظي مابعد ساعدني...ياسعد من زين السهوم اسعدنه

وكثر الظروف القاسيه عقدني...وكم واحد مثلي بعد عقدنه