أبــي افـهـم !
 

قسم بالله لي شفتك تــفــز بخاطري كلمه ..
تبي تطلع وامنعها واناشبها ولا اقدر ""

قسم بالله بغياابك احس بعاالمي صدمه ..
قسم بالله يالغالي احس الشوق بيتفجر ""

قسم بالله صرت اخلط عسل حبك على سمه..
وصرت اجهل مفاهيمك وكل مافيني اتبعثر""

دخيلك بس كلمني وطمن روح منغمه
تبي تنشدك عن حالك وعن دنياك لااكثر""

قسم بالله يالغالي جروحك وصلت القمه..
وصرت اشرب خطاك بشوق واعطش للجروح اكثر""

وش اللي صاار يالغالي دخيل الله بس كلمه ؟؟ .
ابي افهم سبب صدك وفيني ليه ماتشعر !

دخيلك وش هي الدنيا واغلى الناس ماهمه
حييت او مت مايدري وحبي بقلبه اتبخر ..

هقيت الأرض تتبلى مع ان الأرض منصمه
هقيت الناس تنكرني هقيت الكل يتنكر ..

هقيت ان الخفوق اللي بصدري يغدر بدمه
وتصور كم هقيت انك ابد واله ماتغدر ..

وكنت اقول في نفسي علآآم الناس مهتمه !؟
وكنت افخر وانا يمك وكانت احلى ست اشهر ..

وكنت احلف وانا اضحك بإنك للوفا همه
وصرت اسأل وانا ابكي علامه قلبه اتحجر ؟

قسم بالله ياقلبي وغلآة امي وغلآة امه
الين الحين مادري وش اللي جاه وتغير ؟

ثلاث شهور من عقبه وصرت اشوف بس اسمه ..
وكل ماشفته اتمنى يقول آآسف ويتعذر ..

ويرجع لي مثل اول ويقتلني في كل ضمه "
ويحلفلي بحبه لي ويحلف انه مايهجر ..

وارد اتذكر بعاده وألم دمعي واضم همه
وهذي حالتي وياه اشوفه بس واتحسر ..

قسم بالله الين الحين تفز بخاطري كلمه !
اذا شفته تبي تطلع وامنعها ولا اقدر ..

قسم بالله ياآآعآآلم جروحه وصلت القمه
وصرت اشرب خطاه بشوق واعطش للجروح اكثر ..

وش اللي صار بالدنيا دخيل الله بس كلمه .
ابي افهم سبب صده وفيني ليه ماايشعر .؟!

يعطيك العافيه غلاتي