ياتـل قلبـي تلتيـن(ن) علـى تــل=تل الرشا من فـوق خطـو العسيفـي
على محالا زل فـوق أربـع(ن) جـل=خل(ن) غزير الجـم يـذرف ذريفـي
سواقهـن ماكـل واللـيـل مـامـل=وغروبهـن أصمـاد ورشـاه ليفـي
على عشير(ن) بالهـوى سلنـي سـل=كمـا يسـل القـاع سيـل الخريفـي
راعي جديل(ن) على طول(ن) على جل=مايلبـس الا كـل بـز(ن) نظيـفـي
أنشهـد أنـه بالهـوى ملنـي مــل=ملمـال خبـز(ن) ململـوه النكيـفـي
أركوا عليـه الجمـر والنـار تشعـل=عيشه شعيـر وشيـخ قومـه خفيفـي
دعسـان يامشكـاي والهـرج للكـل=أنـا أجنبـي وأجنـاب قفـوا بريفـي
جيته على عوص النضى وقفة الظـل=شيـب الغـوارب نايسـات الحفيفـي