قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   ابطيت اكافح طيبه البال بل بال.....وادفع بلا هاجوسها كل ليله (http://ban3abs.com/aa/showthread.php?t=107488)

الفجواني 29-06-2011 02:57 AM

ابطيت اكافح طيبه البال بل بال.....وادفع بلا هاجوسها كل ليله
 
بسم الله الرحمن الرحيم

مادمت تنشد يارفيقي عن الحال
ومالي عن كتمانها عنك حيله

اصبر عن بوح الاحاسيس قتال
والبوح في بعض المواقف فشيله

لو كل مايطري على البال ينقال
ماكنت احس ان الثقيله ثقيله

ابطيت اكافح طيبه البال بل بال
وادفع بلا هاجوسها كل ليله

يابدر يابدر يابدر ماني عال لوصحتي عال
لكن شفني من الصدمات نفسي عليله

اشيل حمل لويشيلنه جبال
الله وماله غير تصبح نثيله

ارمي من هموم الزمن واسحب الدبال
ونزل عن الجوكر وغيري يشيله

من كثر ماشفت بحياتي من انذال
بديت اشك ان النذاله فضيله

ماطاح من عيني رجل طاحو رجال
ورجال يابن حنيف ماهي قليله

اقرب من اللي قالهم من ضمن ماقال
راكان بن حثلين راعي الجزيله

هذا ولد عم وهذا ولد خال
وهذا صديقن ماندور بديله

سبحان من هو يابدر مبدل الحال
وحط الجفى بين الخليل وخليله

هذا الزمن يبغاله لسان دلال
من يستحي هاالوقت وعازتيله

من كان ساسه لردى مضرب امثال
اليوم يحسب من كبار القبيله

المال يابن حنيف ملعون ابو المال
ذل العزيز وعز ناس ذليله

مما راق لي ..n200659 للشاعرخلف المشعان

أمـــير بـكلمتي 29-06-2011 03:01 AM

إقتباس:

من كثر ماشفت بحياتي من انذال
بديت اشك ان النذاله فضيله

راقت لي .. صح لسان شاعرها خلف المشعان

ابدعت في حسن الاختيار .. وتروق للجميع بمفهومي

لاهنت على النقل الفجواني

الفجواني 29-06-2011 03:05 AM

====
 
نورت بمرورك امير ولاهنت ..مانتعدى ذوقك المتميز

راسبه بالحب 29-06-2011 03:06 AM

سلمت الايادي .. كلمات مميزه لخلف ..


لاهنت على النقل ..

الفجواني 29-06-2011 03:08 AM

الله يسلمك راسبه لاشنتي

ناصر الرشيدي 29-06-2011 03:11 AM

صح ذوقك
واختيار راقي

الفجواني 29-06-2011 03:27 AM

مرورك ارقى .. لاهنت ناصر

بندر الشويلع 30-06-2011 03:08 AM

صح لسان شاعرها وتسسسسلم يمين نآقلها
وختيآر موفق
وشكراًع النقل المميز
وتقبل مروري


الساعة الآن +4: 02:26 AM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص