ياسلامي سلام الشاعر الي طويلن باعه = كل مامدها من دونها تقصر الابواعي

ادري ان السنه والا الشهر نفس وضع الساعه = لو تحريت مالقى شاعراً مايطب القاعي

مرحبا ياهلابك جيت والشعر فل اشراعه = وانت بحرك بحر صياف مير الشراع اشراعي

لاتحرى بعد هذي يزيد المرض ووجاعه = خلها كبوة احصانن نهض بأول المطلاعي

انت طبيت الك في بحر محداً وصله قاعه = ظلمته مع ظلام الليل مع قلة الاسناعي

قلتها واحتميها والرجل لو يقص اذراعه = دون قصت لساني ماتحسبت قص اذراعي

المسافةالطويله والجمل حاسبن مرجاعه = والعصى خابر بليهان ماهو لها مطواعي
مير ياشايب الرحمن من حشمة الشماعة =ولا أنامانويت اصرم الزرع والزراعي

دل دلوك على عدى الروى لاتهاب اسباعه = لاحسبت الامور الثانية صرت مثل الناعي
والجمل مانت واقف دون ميراده ومرتاعه = لاتوقف بدربه كانها خربت الاوضاعي

كد وردنا وصدرنا منه عارفين اوضاعه =ما على العد غير اربع مباهيل معهن راعي

جاك علم الصحيح الي من السلك لسماعه =وش تبى غير هاالتركيب متوازي الضلاعي

لي شهر والحمى الي فيه صارت عليه اطماعه = ليه ماتفكهم والا عليهم تحط اقلاعي

انت صياف اخذت الاسم هذا معاك اوداعه = بس أنا اقول شين الفكر لاصار ماله داعي