![]() |
اهداء من الشاعر/ محمد بن معيوف الشويلعي الى اخيه محمد الداموكي
سلام تسليم ٍ على نهج الإســـــــــلام=واجب ولا يحسب عليكم جمـــــــالـــه يثنى عليكم عد ما تهب الانســــــــام=وإعداد ماصلي على البيت وآلـــــــــه من شاعر ٍ سيّر لدعوتك الاقــــــدام=يفخر بعمه مثل فخره بخـــــالــــــــــه ويفخر بكم شعره على طول الايــــام=يااهل الوفا والجود وأهل الشكالــــــه المجد له من صلب الأيام حكـــــــــام=أليا أدّرج بالوقت حبل المحالـــــــــــه وانتم هله ماهي حكايات واحــــــلام=بالدين والا في عصور الجهالـــــــــه بني رشيد محطمة روس الاصنــــام=تاريخهم من عبس مرسى حبالــــــه احفادهم لشيوخهم درع واحـــــزام=وعلى العدا وبل ٍ غضيب ٍ خيالـــــــه وشعري بكم يتعب وتشكيه الاقـــلام=مايوفي الامجاد طرس احتمالـــــــــه واليوم وحدة صف قايد وخـــــــــدام=دون الوطن والدين عز وبسالــــــــه في ظل اخو نوره يرفن الاعـــــــلام=ورث ٍ لحكم العود ورّث عيالــــــــــه وازف لمحمد على اشكال واحجـــام=اسما التهاني جعل الأفراح فالــــــــه اليوم يسعد في لقا خال واعمـــــــام=وربع وحبايب والمشاعر توالــــــــه والعمر لو طالت لياليه مـــــــــــادام=لابد من دنياه تدبر رحالـــــــــــــــــه والله يديم العز ويعز الاســـــــــــلام=ويرسي على حصون الشريعه حباله |
رد : اهداء من الشاعر/ محمد بن معيوف الشويلعي الى اخيه محمد الداموكي
::
محمد بن معيوف صح الله لسانك ولاهنت على هذه الجزله ويستاهل ابن داموكـ تقبل اعجابي اخيك :: |
رد : اهداء من الشاعر/ محمد بن معيوف الشويلعي الى اخيه محمد الداموكي
صح لسانك وعلا شانك
وبيض الله وجهك على رفع مستوى الشعر ولازال بخير دام انت وامثالك ماجودين بالساحه لاهنت يالقرم ولك احترامي |
رد : اهداء من الشاعر/ محمد بن معيوف الشويلعي الى اخيه محمد الداموكي
من شاعرن سيرلدعوتك الاقدام=يفخر بعمه مثل فخره بخاله
صح الله السانك يابو معيوف على هذا النقل الرايع والجميل تقبل تحياتي |
رد : اهداء من الشاعر/ محمد بن معيوف الشويلعي الى اخيه محمد الداموكي
إقتباس:
لك مني أجمل تحيه وأعذب سلام أخوووووك:سعد الفلاح |
رد : اهداء من الشاعر/ محمد بن معيوف الشويلعي الى اخيه محمد الداموكي
رائعه بالفعل رائعه
تناسج بها الجمال مع الابداع تطرق وأستمراريه بنمط واحد صح الله لسانك ننتظر جديدك مودتي |
رد : اهداء من الشاعر/ محمد بن معيوف الشويلعي الى اخيه محمد الداموكي
ماشاء الله تبارك الله ، جزلة من جزل بيض الله وجهك أبا قاسم والف مبروك لأبن داموك 0
|
رد : اهداء من الشاعر/ محمد بن معيوف الشويلعي الى اخيه محمد الداموكي
محمد بن معيوف
صح الله لسانك ولاهنت على هذه الجزله ويستاهل ابن داموكـ تقبل اعجابي |
الساعة الآن +4: 06:33 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.