الشعر الك ياكامل الزين ينسـاق=ازهم عليه وياتـي الشعـر كلـه
وانت المدير وكان به سطر مالاق=راجع مواضيعـه بنفسـك وحله
منين اببدأ فيك يامدمـج السـاق=اخاف لانسا فيك وصف(ن)وزلـه
ان قلت جسمك ناعم العود ورقاق=ولاهو ضعيف ولاالمتن ظايملـه
والصدر بارز والوسط مبرم دقاق=والردف نابي والجدايـل غطلـه
والعين عين اللي مثبت بمسبـاق=حر(ن)كفـخ ومثبت(ن)ماكرلـه
والخد شمس(ن)توها عند الاشراق=شمس(ن)على كل الاوادم مطلـه
وبيض الثنايا كنهـا لمـع بـراق=والخشم سيف(ن)قايد القوم سلـه
لاشافه اللي للهواء قبـل مـاذاق=لوهو كبيـر السـن قلبـه تتلـه
لوراح من عنده رجع جبر مشتاق=قلبـه يحـن وشوفتـه منوتلـه
يمشي منه من سكرة الحب مافاق=وحتى طريقـه يختلـف مايدلـه
ماهو بساحر بس للقلـب سـراق=اقـو قلـب بنظرتـه يستحـلـه
انا اشهد انه يحرق العاشق احراق=في بسمته وليـا رفـع ناظرلـه

صح اللسانك واعتلا شانك
اخوي الشاعر خليف الوهيداني
تقبل تحياتي