آسف أنا الغلطان وإلا أنت مشكور = مافيه داعي للنقاش انتهينا
معذور لو منته صراحه بمعذور = حتى برسالة صرت تبخل علينا
أنا عطيتك ود وإحساس وشعور = غير الذي قدّمت وش ماعطينا
مرّت سنة معها أسابيع وشهور = وذكراك بالفرقا تمر وتجينا
غلاك عندي كان واضح ومشهور = كنت بزمان ٍ فات منّا وفينا
طبعك تبدّل صرت قاسي ومغرور = ماكننا في يوم فيه التقينا
ياما نصحتك وأنت ماتسمع الشور = ياهي قوية منك قولة تبينا
سلامتِك مبغى ولا شيء مشكور = ياميّت الإحساس منك انتهينا