نيابة عن الغايب وأصالة عن الموجود=بأسم كل صدر رحب ولسان كل أنسان
هلا مرحبا ترحيب بالكل والمقصود=ضيوف على الديرة وأهل عند اهل واخوان
رجال من اهل الوجه يوم الظفر ممدود=رجال من اهل الوجه يوم الحدود اوطان
رجال تبيض وجه من كل وجه وزوود=من جدودنا وامجادهم معدن الوجدان
على درب حجاج من الارض بيض وسود=يقولون : (لا تحمل من الزاد فانت معان)
بكتف البحر تقدم على معربين جدود=لهم بالعدا سطوه بارض الجزيرة شان
بهم للهدا داعي وبالذاكرين شهود=والاحسان مبداهم ويجزون بالاحسان
هلا بالجميع ومرحبا والنقا مردود=بأسم كل صدر رحب في ديرة هديبان