ما سألتوا صاحب النظرة الخجوله =كيف يسهرني وله وجه(ن) صبوح

كيف يظلمني وله طهر الطفوله =كيف يفتني وهو دايم يروح

وكيف أنا ألقى ربيعه في فصوله =دام كذبه صادق وصدقه مزوح

له صفات(ن) تورد العاشق ذهوله =مستكين صامت وكلّه جموح

أصعب الأشياء وأكثرها سهوله =أغمض الأشياء و أكثرها وضوح

سهل تغرم به وصعب إنك تنوله =غامضٍ طبعه وواضح في الجروح

أسعد بشوفه ولكن ما أطوله =كني الوادي وهو أعلى السفوح

يبتسم لا منهم عنّي حكوا له =ولا حكوا لي عنه أعماقي تنوح

لي بقلبه شيٍ لكن ما يقوله =وله بقلبي كل و لكني أبوح
كنه الغيمه و انا أرجي هطوله =ما نزل غيثه ولا برقه يلوح

ما عرفتوا ليش تسهرني فعوله =وليه يسكني وهو دايم يروح

هو يبيني بس أطباعه خجوله =وما يبيني أغفا وهو وجهه صبوح