بعد ما شفت يا ذيب الفلا وسط الفعل نقصان = سلام الله سلام الله على رجلٍ على شانه
سلام الله سلام الله على الفارس عزيز الشان = على ساس الكرم رمز الوفا و الطيب عنوانه
سلام الله سلام الله سلام ٍ بالفخر مليان = على رمز العروبه و الشجاعه جاز نيشانه
سلامي صوب عبدالله ملكنا فارس الميدان = سلام الله على درع الجزيره سم عدوانه
سلام الله على اللي بالرجال الطيبه ما خان = سلام الله على اللي بالمواقف عز جيرانه
ملكنا القايد الاعلى ملكنا فارس الفرسان = ملكنا قايد الامه ملكنا عز صدقانه
بعد شفنا العدو حرك جموعه في كذى بلدان = تحيزم و أحتزم بالله و قام و معه فرسانه
و ترى ما قام غير اهل الوفا و الطيب و الشجعان = رجال ٍ ما تفرط في فروض الدين و أوطانه
رجالٍ مثل عبدالله تحفظ الدين و الاوطان = ترد الكفر و الفتنه و ناس ٍ مالها خانه
رجال ٍ مثل عبدالله تحفظ الجار و الجيران = رجال ٍ ما تهاب الكفر و اهل الكفر و أعوانه
فتح بابه لجاره ما قفل من دونه البيبان = رجل وقف ولا قفل بوجه القوم بيبانه
رجل وقف بميقافه و حطم هقوة العدوان = دخل باسم الجزيره ثم حطم حلم عدوانه
وقام الفارسي يرطن و قلبه يشتعل نيران = تخربط يوم شاف اللي بناه انهدت اركانه
وقال و هدد الفارس و لاكنه سكت و أنهان = تمايل يوم شاف اأهل الفعل و الفعل بأعيانه
و تقدم فارس الامه و قال أن الفشق مليان = و درع أهل الجزيره حي ثابت صعب نسيانه
عسى ربي يبارك في ملكنا قايد الفرسان = و عسى ربي يفرج همه و كربه مع أحزانه