قبيلة بني رشيد - لاتحسب (ن) سعود

لا تحسب (ن) سعود يطرد ورى الناس
من صـــد عني حتى انا مــابغيته
لونك اقرب مـــن وريـدي وللانفاس
لونك اشجــع عزوتـــي لــعتزيته
خذها علـى طول الـزمن حـد وقياس
من باعـني بــرخص ثــمن ماشريته
لوكان عندك مال وعقـود والـماس
اموت مثـلك يـاولـد مـارجـــيته
صحيح ابن عمي على العين والراس
بس الخطــا مــنك تــرى ماقويته
سبحانه اللي خالق اجناس وجناس
ابوك مايــمشي بـدرن مشــــيـته
ابوك لــه في صفــحة العز نبراس
يامــا اعتـلى شانه ورفرف بصيته
ويامـا رقـى للـمجد في كل نوماس
بس انت تبــطي يالــردي ماسويته
لا مامنعنــي عنــك قــوه ولابـاس
لاكن ممشـي في طريـق(ن) بــديتـه
اجيـك واحـمل في يدي سيفي وفاس
وهدم بنفـسك بيت كبر(ن) بنـيته
مادام مــوت كليـب من غدر جساس
منــك انــت غدرك باقي ماحتريته
امــوت لاكن باقي الـعلم له ساس
اموت ويبقــى موقفــك مــانسيته
تبي الــصراحه مـثل شرواك ينداس
وتكــرم عنــه رجلي ونا ماوطيته