للأسف فينا تعلّمت الجفا = وش تبي على الأقل قول الصحيح
الوفاء هو وين ماعندك وفاء = لخفوق ٍ عاش في بُعدك جريح
كيف تجفى من معك ودّه صفا؟= صرت في طبعك معي جدًّا شحيح
ماخفاك الود مني ماخفى = كان لك عندي غلا قصره فسيح
البعض مني مع أشواقه لفى = وبعضي الآخر من أوجاعه طريح
ماكفاك اللي عملته ماكفى = ليلة فراقي أظنّك مستريح
بالبداية خافقي فيك احتفى = وبالنهاية مايصح إلاّ الصحيح

بالبداية خافقـي فيـك احتفـى
وبالنهاية مايصـح إلاّ الصحيـح

ابن حجاج حياك الله صح لسانك
وننتظر جديدكــــ