قبيلة بني رشيد - حيره الضامي كلمات غياهيب

http://imagecache.te3p.com/imgcache/...5c33a7f6a1.gif

انا ياويل من مثلي ضروف الوقت طاح ابها

غدت بي حيره الضامي على مورد مشاريبه

جداول من منابع صافيه والشهد ذاب ابها

منابع تروي الضامي وفيها سحر نهيبه

خذتني ياملا من دون لا اشعر واحس ابها

صحيت ولان روحي ياملا من روحه قريبه

تملكني وملك النفس اله الكون مالكها

حكمني ولا انا حر ونفس الحر عديبه

اسرني بالوفا حبه و حكم شروعها اوجبها

حوا الاخلاص دستوره وادى لي مواجيبه

حضتني بالهوا نفسه الهى كيف احاربها

تمثل في هواها اسمه معاني الجود والطيبه

توالفنا مواليف الجوازي في مقاربها

نتابع جاري الوادي و نقطف ماحلا طيبه

جوازي ربعت تتلا من الوسمي مطايبها

بروض زاخرن , فيه كسا عشبه مراقيبه

قضينا في ربيع هواه ليالي الحظ كاتبها

جمعنا الحب بدروبه وشاركنا مواكيبه

وجوده في حياتي هون الدنيا مصاعبها

حبيب صادق الاحساس معاني الحب تسمي به

يعادل بالغلا روحي عيوني اللي اشوف ابها

غمرني حبه العذري غلاه الدم يجري به

الا ياليت ساعات الزمن وقفت عقاربها

ولا ورتني ايام الفراق ومر تعذيبه

رجعنا للزمن ندفع سعادتنا ضرايبها

ثمنها كان فرقانا ولازالت مطاليبه

كذا الايام غداره غدت بي في تلاعبها

دعت ربحي من الحرمان تتضاعف مكاسيبه

جزاك الله يادنيا تردت بي مناكبهاا

دعتني من عنا فرقاه بين الشك والريبه

اعزي بالصبر نفسي وزود الصبر يتعبهاا

توارث دونها مالي وجرحي عز تطبيبه

سنين العمر من دونه كأني ماحييت ابهاا

ولا يسوى معي عمر خسر عشره محابيبه

يراود نفسي شعور من الذكر يعذبهاا

اخاف ان العمر يمضى بنا وتطول الغيبه