قبيلة بني رشيد - عود الموز عوض بن خيران

هذي قصيده غزليه للشاعر عوض بن خيران يقول فيها :

يا مل قلبن كل ما ناظر الناس 000 جاه انتداب من الطواري وحاسه

قلبن يجيه من الهواجيس هوجاس 000 ويدرس مواضيع الطواري دراسه

لو يسمع اللي ينصحه كان لا باس 000 لكن يحسب ان النصايح شراسه

على الذي من دونه البعد والياس 000 ارجيه وابديت الترجي بياسه

اخاف انا من كلمتن مالها راس 000 من واحدن ماتبين فيه النجاسه

واخاف من كلمة عذولن وبلاس 000 عاجز ولا جدواه غير البلاسه

وسجلت شينات الليالي بقرطاس 000 ولقيتها اكثر من ليال الوناسه

وشربت الحب العذب شربن بلا قياس 000 وشربت حبن ماعرفنا قياسه

العود عود الموز والطرف نعاس 000 وعمره اثنعش وخمس يزهى لباسه

وكامل غلا المجمول معدوم الاجناس 000 وزرعت حبه بالضماير غراسه

يا ليت لي في بيت واليه مجلاس 000 واجلس مع المجمول وانسى التعاسه

ويامر علي الزين وامره على الراس 000 واجيب ما يبغاه وابوس راسه

وسلامتكم

مع تحياتي

حمد العازمي