ياراكب الددسن .. عسى الله يعافيك = قلي علامك .. ياجلدها تفحط
مسرع تفحط .. في شوارع حواريك = ومجربع الددسن .. وكنك تزحلط
واليا أستهلت .. وأسفهلت ليالك = عقب الدشاره .. بالمطاعم تمغط
تأكل لحم حاشي .. وتلحس بأياديك = رزٍ مع بيبسي .. بيَّدك تَخلط
مع شلةٍ .. ماذَيّرت عن مفاليك = شلةٍ دشيرن .. كلبوها جحلط
أمك .. تصيح الليل تشكي بلاويك = وأبوك .. بأسبابك بِكاك وتجلط
وأصبحت .. نغمه بين ربعك وأهاليك = كلٍ على فعلك .. هجاك وتسخط
طاغي .. تشوف الناس حولك مماليك = مثلك .. مثل شارون يومٍ تسلط
أرثعت بالعالم .. وخاب الرجاء فيك = تشرب .. زقاير كنت ثمٍ تشرط
ماتدري .. أن الموت يتبع خطاويك = وانه .. على جالك لفاك وتمغنط
وأنك .. هبيلٍ ماخشيت التهاليك = يوم أن .. غيرك بالحوادث تورط