هذة القصيدة وجهتها الى المدرسة الشعرية الاستاذ عايد السندى

ياركب(ن) جيب(ن) ومن نوع لكزز= بين المواتر لاوقف فيه رزه
عز(ن) ومنهو يملكه قالوا العز= لو كان بعضهم معه عقل وزه
الشركه إلي تصدره عزها عز= إحدعش بعد الفين توه بعزه
علامته أكبر جودته فيه ترمز=والله أكبر وهو حمل رمز عزه
إليا نطحته وجه حاكم معزز= في حفل جيشه مستعيدين غزه
وإليا قفيته بنت شيخ(ن) بها عز= مزعله وبسم أبوها تنـزه
وإليا عرض مثل اوضحن مالكه ارتز=حصل على النخبه وكلن يقزه
فلله ياسواقه ودزله دز=حتى يتساوى الخط لفه ونزه
من سرعته اسبق من الشوف وانجز=من شغلت السياف للي يجزه
يشبه لحر(ن) يوم فرخ الصمك نز= تل ورقى حتى مع الجو لزه
منصاه شاعر بالكويت وبه اعتز= عايد ابو صالح وكلن يعزه
ما هو بحاجه لشهاده رجل عز= يشهد له التاريخ في كل حزه
يفتل وينقض مدغم القاف لو لز= ومعه مفاتيح للاقفال جزه
من روس قوم(ن) لوقفو لشي ينجز= لضاع عن عرفه شبيه الخززه
ماصد من خوف(ن) ولاني مهتز= اقف على عز(ن) واموت بمعزه
لاكن سيفي عيب في جنبي يكز= وهو يحسبنه رقيب منـزه
وانا ابتعد دايم ولا ابغى ترزرز=و اتحمل الغلطات واقول عزه
والا أخلط بنزين مع قار وتوز= نيرانها واللي تجيبه توزه
انا استشيرك وانت براي لي دز= ورايك هوالمبروك عجل بدزه

قم يا نديبي للرساله تجهز = وصل سلامي في وقار و معزه
جتني رساله من صديقن معزز = يا مرحبا برسالته كل حزه
سيفي نهار المعركه و المبارز = ابن نما يا جعل ربي يعزه
عليه وصف اللي بحيد(ن) تعنز = طالع غرامه و الجناحين هزه
اوحف على برقن طياره تركز = و في مخلبه فج الثنادي و جزه
ارسلت لي يا ذيب قاف(ن) على از = و الشطر الاخر رابطينه على ازه
من جاش بيطارن للامثال يحرز = بيطارشعرن والقوافي يقزه
ان كان تبغى الراي يا ماكر العز = عن القوافي يا صديق(ن) نعزه
قافك نظيف و في قوافيك نعتز = ابيات حلوه للمشاعر تهزه
و لا فيه داعي ترسل الجيب لكزز = حذفت عصا للجيب مقدار فزه
حطيت وصف الجيب هيكل مبروز = ونثرت فوقه من ديابيج بزه
والا كما بنتن زها جسمها البز = في يوم عرسه والجواري تدزه
ارسل لخوك ارسالة الاخو و انجز = ثم استشيره و المشوره معزه
و انا عضيد الدمح اليا وصل الحز = والا الذليل يموت والذل عزه
وما قل دل وزبدت القول موجز = اليا اوجزت قولك فيه نكهه ومزه
ان كان قصدك بالمثايل تعجز = انا زعيم الشعر نجمه و عزه
والخاتمه سلمت يا ماكر العز = سلمت يمينك يا حفيد المعزه