ابتديك الوصف وشلون وصفك مستحيل=فايقٍ للوصف ما شفت زينك بالملا
اقدر اقول إن ما لك بها الدنيا مثيل = لو ما اخاف اشرك لقول انت شخصٍ منزلا
كل زين الكون عندك ترى شيءٍ قليل =وكل شيءٍ زين وإن شاف زينك يخجلا
جل من صور جمالك وحيدٍ ياجميل = وجل من سواك زايد على الناس بحلا
واحمد اللي خصني بك وصرت إلك الخليل= احمد اللي حط في قلبك لمثلي غلا
ما ني مصدق واقول إن هذا حلم لليل =ودايمٍ ضاميك والبال عنك ما سلا
كان فيه اجن من قيس مجنونٍ هبيل = والله اني فيك بالذات مجنون اهبلا
قل حيل الفكر في وصف مثلك ماش حيل=مال وصفك لا نهايه ولافيه اولا
والله انك موت من رجلك الى اعلى الجديل= كملك ربك بزينك وصرت مكملا
ياعساي افدى تسلهامت الرمش الضليل=ولبى قلب الضحكه اللي تضيع لها عقلا
كلي لبعضك فدى برحلة العمر الطويل = وغيرك من البيض ماله بقلبي منزلا
اسكنيني حب دايم ما يطريه الرحيل=واعرفيني بيت للحب جدرانه ولا
كل شيء إلا فراقك وحبك ما يزيل =للمفارق لا وللموت من دونه هلا
وعذريني وصفك اقله اصعب مستحيل = ما لقيت اللي يشابهك غيرك بالحلا

ياعساي افدى تسلهامت الرمش الضليـل
ولبى قلب الضحكه اللي تضيع لها عقـلا
اسكنيني حب دايم مـا يطريـه الرحيـل
واعرفينـي بيـت للحـب جـدرانـه ولا
كل شيء إلا فراقـك وحبـك مـا يزيـل
للمفـارق لا وللمـوت مـن دونـه هـلا

الشاعر القدير والعزيز / أحمد الهنيدي

أنت شاعر يصعب وصف شعر وخياله الباهر أنت تمتلك فكر وخيال وتصوير طاااغي فلسفه تلاعب حرفه في مفردة الكلمة التصوير
أبا عبدالله كما قلت لك من قبل أنت شاااعر بمعنى الكلمة
رضي من رضى وأبا من أبا

أقول لبى والله شعرك اللي يضيع إلها أعقلا ههههههه

تحياتي وتقديري لسمو ذاتك

اقتباس من مشاركة عبدالله معزي (المشاركة 2151232) صح لسانك قصيدة جميله تحياتي

اقتباس من مشاركة احمد منيف (المشاركة 2151584) ماشالله عليك اخوي قصيدة عجبتني حيل صح الله لسـأنك :)

اقتباس من مشاركة ندى الصمت (المشاركة 2151809) صح لسانك...