بسم الله الرحمن الرحيم
السلام عليكم ورحمة الله وبركاته
فن المحاورة فن عريق نعشقه كيف لا وان جرت بين شعراء لهم وزن الثقيل وأسلوب فريد من نوعه شعراء تفنّنوا بأدواتهم الشعرية ،فرضت نفسها على الساحة الشعرية ، هاهم أهرام الشعر الذين نهوى متابعتهم ترجولوا وأمتعونا بمحاورة قوية من الطراز الفريد من نوعه كان لها حضور غفير مميز
واتسمت بالروح القتالية التي استهلها الشاعر
المقدااد بطاروووق قوي تصدى لها الشاعر
أحمد عبيد الهنيدي هامور الشعر
إليكم المحاورة
المقدااد
سلام مني عليكم يامطوعة السلاطين=يااهل السيوف الصقيله والجنابي والرماحي
الليله الليله المعنى يجي من بين الاثنين=روامعه مثل لمع البرق يوم البرق لاحي
أحمد عبيد الهنيدي
يامرحبا فيك ياالمقداد مليون وملايين=ياراعي الطيبه والشعر وعلوم الفلاحي
اقدم وثبت خطا رجليك في وسط الميداين=واللي مايثبت قدم رجله لامنه زل طاحي
المقدااد
فيك البقا يازميلي ياولد زبن المخلين=مداتكم تبهج الخاطر الياشح الشحاحي
الله يساعد على الميسور مع ضبط القوانين= ونسلم مدام اوقفوا هاليل ضافيت الجناحي
أحمد عبيد الهنيدي
فيك اكثر الله يبارك فيك عطنا العلم هلحين=حتى نهرجك بأول لليل قدام الصباحي
لاتسولف بعلم لين تجيب لعلومك براهين=والا ترى ما انت مسموحٍ ولا هرجك مباحي
المقدااد
بالصين معروف راع الصين يبقا راعي الصين=مايختلف لو هله حطوه في وسط السياحي
وانا ابدوي عشت واعرف كيف مركاض السراحين= لو فوق جرتك ياسرحان هبن الرياحي
أحمد عبيد الهنيدي
مايضيع مع هرجة العربان ياغير المساكين=أغووك باالعلم مومين السوالف والسباحي
ولي الشرف كان سموني بإسم ناس ٍ مسمين= لكن أنا إسمي مثل ما تشوف واعتبره وشاحي
المقدااد
لشعر بصمه يابن هندي تناظر شوف بالعين= ماني بطايعك والله لو تصايح لي صياحي
لكن قل لي بعد سويت لك بالدار بيتين=وش فيك عنها تروح وتسكن ابدار الصباحي
أحمد عبيد الهنيدي
إمطول ٍشاربي والمد ترجحبه موازين= ولا أسولف الا مثل مطلق وصاحبه الرياحي
الذيب تبعد مطاريشه وتقرب سرحة الظين= وأكثر عباد الله من الذيب صدره غيض فاحي
المقدااد
انته تقوله لكن اللي غدابك داعج العين=من بعد مسقاك ياذيبان من كاس الذحاحي
لصار مدك لدارك ياوسيع المعرفه دين=وش عاد لو تحتزم لك في خيار امن السلاحي
أحمد عبيد الهنيدي
لو انت ذايق مثل ماالناس والأجواد لا قين= خاوتيني في مجيي بالطريق وفي مراحي
لاعل ما اتعبت نفسك وين رايح ياالخوي وين= اهم شي اني اللي في يدي عقد النكاحي
المقدااد
الله يهنيك في عيشتك والعالم غنيين=كان انت لاقي مليح الناس لقيتن ملاحي
هذا هو الدين فالاسلام ياللي تعرف الدين=يشاورونك وتعرف كل شين باتضاحي
أحمد عبيد الهنيدي
سلم على لحيتك والعلم تلقى العلم بعدين = ياالتاجر اللي رصيده بآخر المشوار باحي
انته تحسب السوالف هيلمه والعلم سكين=وان شفتها قبل تمرح فارقك لذ المراحي
المقدااد
سوالفك ماتزيد ولاتذل اللي عزيزين= الناس تنظرك جعل الله يعطيك الصلاحي
انته تعزوا وتفتل بالشوارب والذراعين= لكن تحذف الحذا ساعة يحاصرك اجتياحي
أحمد عبيد الهنيدي
من ضعف عقلك وسفه واقف ِ في سكة الرين =يااللي تحسب البحر وضعه مثل وضع الضحاحي
اكبر دليل انك تسولف ومن ناس ٍ مخبين= تبقى الحمامه حمامه لو شدت صوت النياحي
المقدااد
يامير هاذي علومك وانت من قومن شجيعين= مرات واقف ومره صار وضعك بنبطاحي
اغضي عن اللي حصل لجل البخاري والصحيحين= وارفع مقامي عن اللي سفحوها بالسفاحي
أحمد عبيد الهنيدي
الناس تقدع مع الدله تمر ياراعي التين= لا خذت دوره معي يمكن يوافقك النجاحي
أنا أدري انك قريب جنيب سولف يا بو جنبين=وانا متراكي واغني معك يا لاحي ولاحي
انتهت المحاورة
صح لسان الشعار
وبيض الله وجيهم
تنسيق
سي لايف
