لي خافقن .. غنى من الضيق موال= وأجثت عليه .. المظلمات الشديده
من ضيقته .. مر المنازل والأطلال = يراجع أوقاتٍ .. مضتله سعيده
يومه .. على قحص المغاتير رحال= يدوا .. الديار المدهره والجديده
هاض وتغنى .. وأنضوت فيه الأمثال= و أضناه علمن .. بينّته الجريده
علمن تغنابه .. خبيثين الأعمال= من لجته .. سقت البيوت الفريده
نذرن عليه .. والمناذير تنقال= أني لا أشوتل .. في نحرهم قصيده
وأحطهم .. منزال بقعاء والأهمال = وأخمهم .. خم البهم والطريده
بلبس .. المخطي تراكي وسلسال = وأطوع .. أفكارن هفتبه عنيده
وأجربعه .. بين الفيافي والأدغال =وأعلمه .. كل العلوم الأكيده
ما للجزيله .. بين الأضلاع مقيال = والكلب .. باسط ساعده في وصيده
كلبٍ .. تمقنا بين الأوباش يختال = لا لزمت .. عند المواقف شريده
منحط قدره .. للهزيلات شيال = شفت اللعانه .. روبعت في وريده
ملعون كتره .. للمفاليس نقال = زنديق هيسٍ .. لعن جده وسيده
جانا تمخطى .. شايل الحقد يجتال = مدري وش اللي .. بالغلط مستفيده
سب العفيفه .. وأنبرت منه الأقذال = وأقفى يدحج .. بالهروج الزهيده
يلعنه ربٍ .. للصعيبات حلال = ربٍ .. حقر كل العقول البليده
ربٍ .. تعالا يكفي السيل لاجال = ربٍ .. تجلا دان له مايريده
وياعايشه .. دونك صناديد وارجال =ماضكهم .. حدب الجبال الصليده
لالا يهمك .. هافي القدر لا مال= لالايهمك .. هرجةٍ من رصيده
يامفخرة .. كل العروبه والأجيال = ياحافظه .. بيت النبي والعقيده
محشوم قدرك .. يافرح كل الأطفال = يأم الفعول .. الطيبات الحميده
ويالله .. يامنزل تبارك والأنفال = ياغافرن .. زلات جملة عبيده
يامبدلن .. حال المخاليق بأحوال= با المختصر .. يارب جمله مفيده
أنك .. تطربقها على روس الأنذال = وتلفهم .. بين القهر والضهيده
وترقهم .. رق المهانه والإذلال = وتحطهم .. بالمضنيات الوقيده