قبيلة بني رشيد

ضحكه بريئه صدق من قال ( روعه ) =
ضحكة براءه أصدق إحساس بالكـون
ماهي بضحكـة زيـف وإلا ميوعـه =
أحلى إبتسامتهـا مـن شفـاه مليـون
ضحكت معها ضحك من فيـه لوعـه =
والظاهر إنها ( باينه ) ضحكة سنـون
ماراح راح واليوم صعب(ن) رجوعه =
واللي بقى لي سـر بالقلـب مدفـون
والحمـد لله دوم نفـسـي قنـوعـه =
وأدري القناعه كنز ( وإبليس ملعون )
( وصلت رحمي )والقرايب قطوعـه =
وخاطبتهم من بيـن عاقـل ومجنـون
ويامصعب الرجـال تـذرف دموعـه =
لا شاف ربعه يـوم يقبـل يصـدون
يـون ونـة مـن تكسـر ضلوعـه =
من بعـد ماغسـل عليهـم بصابـون
والأصل لإنه طاب طابـت فروعـه =
ولا يغرك المظهر ترى الناس مضمون
( وأبو طبيع ) من مات غير طبوعـه =
ومن دق باب النـاس بابـه يدقـون
والطير ياقـع حـول شكلـه ونوعـه =
وإحفظ لسانك قبل لا تمـوت مديـون
ولاني بأول شخص ( بقعـا ) تلوعـه =
وإسأل مجرب وإسـأل الـي يقولـون
ومن حقها تضحك ومن قلـب روعـه =
تضحك على شكلي وأنا أقول مزيـون