كفو والله في بني رشيد وفزعاتها والحميا بين رجالها
وماهو غريب الفزعه على بني رشيد وخصوصا الفزعه لبعض
وانت تستاهل يا شاعرنا الله يوسع رزقك ويسعدك

اسمحلي على تنسيق القصيده

يالله تقضي لزوم اللي قضولي لزوم = ادعيك وانت السميع لدعوتي والمجيب
بامرك تفرج هموم مفرجين الهموم = .واجزى هل الطيب يامعبود عني بطيب
العزوه اللي بها افخروافتخر كل يوم = هم محزمي عند ميلات الدهر والنصيب
لعل من لابتي ماني خلي ومعدوم = ارتاح في قربهم وجروح قلبي تطيب
سلايل الطيب ماهم من سلالة رخوم = احرار قاست غرابيل الزمان الصعيب
احفاد قاسم لنا بالمجد ساس ورسوم = خضنا المعارك نهارن فيه قدح وحريب
فريس ترمز لنا الكفه شعارووسوم = بصمه على خد من جانا نحطه صبيب.
بين القبايل لنا قدرومكان معلوم = بالحق ناخذ ونعطي لابداله طليب.
مانجحد حقوق خلق الله ولاله نشوم = نقصرعن العيب دام انه طريقن معيب.
‏لعيون منينتخي فينا نشد العزوم = عدونا شاب راسه قبل وقت المشيب.
لاعال نركي عليه مذربات السهوم = ويروح خسران ويقفي وجرحه عطيب.
وللضيف قدر ووقار بسلمنا ومحشوم = له بالتراحيب قمنا والشحم والعصيب.
وسقنا له البن الاشقر بامهات الخشوم =فنجالهن عن عماس الراس طب وطبيب
مدلهين الخوي عن ضيقته والهموم = لوغاب تبقى الصداقه عندنا ماتغيب
والجارموفين حقه في جميع السلوم = مايلحقه مطرفنا فيه شك وريب
جوارنا عاش عمره بالرخاء ومخدوم = قضي العمروسطنا ماكنه الا قريب
بني رشيد اهل الوقفات ماهي علوم=لفعالنا يشهد التاريخ وبها يجيب