رساله لـ مسئول من شخص جاتك=ماهو بلاقي للرساله عناوين
ان كان ترضى البعد هذا لـ بناتك=ابي تخيّل لو دقايق وبعدين
اذا اوجعك لحظات تأنيب ذاتك=بيبقى الوجع بقرابهم ساكن سنين
تخيل ان معهن شريكة حياتك=راحت وخلتلك مع الحزن بنتين
ادري تمنّى الله يعجل وفاتك=لامنهن قالن يا بابا امنا وين
والا تخيل بينهن من خواتك=وتسمع صياح امك من البارح الين
يصبح صباح الدفن وشي سواتك=وتشوف دمع ابوك قدم المعزين
يكفيك امانه / لو تهل عبراتك=وترتاح لو قلت آهـ والناس ممسين