أن طاعوني هل الشعر .. حضار وغياب = نعطيه ختم الأماره .. ويختار الوزير

ياعلاوي نجـد عليـك مراديـم السحـاب=ديرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب=أعطني وصفة علاجه ترى وضعي خطيـر

وقـت راسٍ فـي طـرف برقـا بطينـه مــواط ذيـابـه = أبيـضٍ ملـمـوم مقـلـوز مرتـكـز مرتـفـع متعـلـي
مدهلٍ للذيب سرحـان ليـا راد العشـا قبـل العشـا عدابـه = يقشعر الراس من جيلانـه اللـي بعضهـا للوطـى منهلـي
يبتدي واد الرمه ليا انحدر واصتفـق مـن مفيـض شعابـه =وجنبه الغربي ليا سال سيله وانحدر والتـوى للثمـد ينحلـي
قلت أبلقى بالجبل لأهله وسم والا رسم وألقـى عليـه كتابـه = مادرست الكيميا والفيزيا لاشـك عقلـي قبـل أعـدي قلـي
شفت للكفـه بقايـا مرمسه عـن سؤالـي تـرد الجابـه = تقـل تعطينـي تحـيـه وفـيـه يــوم جـيـت تهـلـي
قلت عبسي قـال عبسـي جبـل غطفـان هـو وأصحابـه = خـذ كـلامٍ مـن هـرج فيـه قــدام الـعـرب مـازلـي
قلـت أبـي برهـان قـال أنحـدر للـقـور والا الـلابـه = والرمـوز اللـي تحـصـل تـراهـا تستحـيـج الحـلـي
قلـت تستاهـل لحـن مهجـور مبـطـي مـحـد غنـابـه = الرعيـل اللـي يغنـى علـى البـحـر الطـويـل مـولـي
ياوجودي وجد من ضايقـه بالطلب قـدم العـرب طلابـه = فـي زمـانٍ شيـن وابـن الحـلال مـن الظـروف مقلـي
أووجودي وجد من شاف غبنه وأحتزم واعتزا واخذلوه اقرابه = ياحيـاةٍ فيـك يـا هالظلـع ليـن الـروح مـن هالجسد تنسلـي
ابغى افارق ضجة المدن والعالم النصابه الكذابه = وارفع الاذان بارضٍ خليه خاليه بالدجا وأصلي
واطلب اللي ماخبرته عن اضيوفه يسكر بابه = والله اعلم قبل نمشي كم خوياً بيمهلي