قبيلة بني رشيد - نواف العازمي وناصر مرسال حصري للمنتدى عميد الشعراء

هذه المحاوره من اخر محاورات الشاعر نواف العازمي رحمه الله عليه وشاعرنا عميد الشعراء ناصر مرسال اطال الله في عمره وحصريه للمنتدى الشاعر ناصر مرسال امل ان تنال اعجابكم

نواف العازمي

البرق يبرق بالسماء ونقول يالله ياكريم
واهل الحجاز الهم صفه ماهم سوات اهل القصيم
اروغ من الثعلب وادق من الصراط المستقيم
اقوله والي عقد روس الحبال يحلها

ياسلام الله على قومن لهم حاضر وماضي
بالفعول الطيبات وبالسلوم وبالاشده
ودنا باهل الحجاز ولا كرهنا اهل الرياضي
والدروب اقصيره بين اهل مكه واهل جده
ناصر
البرق يبرق بالسماء ولا يابرق ينهل ماه
واهل الججاز اشكال وانواعن تبي علمن تباه
والطيب اللي يعرف سراء غيره ويعرف سراه
اقوله ولى عقد روس الحبال يحلها

مرحبا ترحيبتن كبر السما ء عرض االاراضي
بالصحيب اللي لا يامنه حضر ما فيه صده
والله انك لو تشوف العشب الاخضر والفياضي
لو نشدك اكبر بشر تغليه لايمكن تعده

نواف
انته يابن مرسال تستقبل وترسل ماعليك
لاكن لا تفهم خطاء الله يرضى لي عليك
ولا تراي ابيعك انته والهذيلي واشتريك
اقولها والى عقد روس الحبال يحلها
البقاء في شعارن لو قال راضي ماهو راضي
كل ماقبلت ناصر له جنون مستعده
الديار مربعه والضاميه ترد الحياضي
وانتبه لصاحب اللي ما يحدك لاتحده

ناصر
ناصر وعمر الخالدي ماهم بسلعه في يديه
والظاهر انه لو لاقاله حرن اشقر يشتويه
الله يرضى لي على عمر ويرضى لي عليه
اقولها

انت يانواف من كثر القضايا مانت قاضي
عد حاضر حاضرك واللي مضى لك لاتعده
يحكم القاضي ولا لك على الحكم اعتراضي
والنضر بالقاضي اللي يحكمك حذراء تلده

نواف
الخير ماطول عمر و الشر ماطول عمر
امل الوجار من الحطب بالحيل والنار تعمر
والي مثل نواف ماهو ما بلشه زيد وعمر
اقولها والى عقد روس الحبال يحلها

انت وياء الخالدي من شوفتي فيكم شواضي
بينكم عرفن جديد وبينكم مثل الموده

لي عليك اعتراض ولي على اخوك افتراضي
مع جبال ومع نفود ومع سهالن مجرهده

ناصر
يالشاعر اللي قمت تال الليل تشقرها شقر
ترى السوالف بيض وعلومك غدت بيض وشقر
لكن بكتابن صدر من مكتبات اقريش اقر
اقولها والى عقد روس الحبال يحلها

عمر ماهو فاضي لمثلك وانا ماني بفاضي
ون وصلك الرمح منا والله انك ماترده