|
اهداء الى عبدالله معزي الرشيدي
اهداء من فاقدخوي الى عبدالله معزي الرشيدي
ولله ماني بخيل على مدح الرجاجيل خاصه لا جيت امدح في زحول الرجال المشكله مدحهم حمل لا شلته ثقيل من ثقلها ما يقدر عليها كبار الجمال حتى لو تحاملت على حملها لابد يميل مال الجمل حيله على حمل الاثقال اجل وش حيله قلم بالقصايد يخيل في معانيها صدق من مزون الخيال قصيدة ماهي غزل فالطرف الكحيل ولا هي عتاب وشكوة حال دون حال قصيدة مدح في ذاك الشهم الاصيل عبدالله اللي يشهد له فوح الدلال سلام يا عبدالله يازحول الرياجيل سلام عد ما على الصحاري من رمال سلام عد ماهل المطر وسال المسيل سلام عد ما اشرقت الشمس وطل الهلال سلام ياللي له في قلبي مقر ومقيل فداك العمر لو ان العمر للفنا والزوال قالوا عن حاتم ماله في الكرم مثيل ومن ذيك العصور تضرب به الامثال وفاقد يقول عبدالله حاتم هالجيل قولوا لهتان الكرم عندنا للكرم زلال فديت كل حرف من اسمه به خصل نبيل وياحي الحروف اللي لها فالقلب منزال الصاد (صدقك) فالكلام من دون تأويل وياحي الرجال اللي تثبت اقوالها بافعال الالف (اهاتك)عطنياها لو توريني الويل ماهمني غير شوفه بسمتك ياطيب الفال اللام (لومك) فالحياه على كل شخص ذليل عاش في هالدنيا وتطبع بطبع الانذال الحاء (حبك) للمساكين وعابريين السبيل وشموخك في هالدنيا كنه شموخ الجبال شوف حالي مال السعادة بحياتي دليل وفي غيبتك مال الصبر عندي اي مجال النهار اسود ما عاد به فرق مع الليل اسهر عيوني ودمعها على الخد همال واتجه للقبله واطلب من الله الجليل يالله يالله ترد من بغيابه علينا طال تكفى تراني دخيل الله ثم عليك دخيل مال السهر والصبر عندي اي احتمال عطنا من باقي عمرك ووقتك القليل ودي ادفى بك واحس ان للعز ظلال ليه لا شفتك تقتل فرحتي بالرحيل ما مداني اقولك وشلونك وكيف الحال طلبتك تدور لاسلوب حياتك بديل ما عاد اطيق بهالدنيا سالفه الترحال وعيني ما عاد لها على السهر حيل ما تدري انت فالجنوب ولا فالشمال هذي نظم حروف قصيدي جاتك مقابيل تشكي عليك من همووم الليالي الطوال |
صح السانك ولاهنت
|
فاقد خوي حياك الله ياهلا ومرحباوكل عام وانت بخير
بيض الله وجهك علا القصيده والعذر منك ع التاخير توي اطلع على القصيده وبالصدفه القصيده جزله من شاعر جزل متواضعة شيأ ما فيها بعض المبالغة والكثير من علامات الاستفهام؟؟؟؟؟ الصاد (صدقك) فالكلام من دون تأويل وياحي الرجال اللي تثبت اقوالها بافعال الاالف (اهاتك)عطنياها لو توريني الويل ماهمني غير شوفه بسمتك ياطيب الفال اللام (لومك) فالحياه على كل شخص ذليل عاش في هالدنيا وتطبع بطبع الانذال الحاء (حبك) للمساكين وعابريين السبيل وشموخك في هالدنيا كنه شموخ الجبال عطنا من باقي عمرك ووقتك القليل ودي ادفى؟؟؟؟؟ بك واحس ان للعز ظلال جزل ومعاني جزله بيض الله وجهك وابشر بسعدك . انتضر ردي على القصيدة خلال الايام القادمة..اسال الله لي ولك التوفيق |
صح لسسسسانككك
|
صح السانك وعبدالله يستاهل
وننتظر رد شاعرنا |
يامرحبا من هجوسا درها سلسبيل
هداجها بحر والجمه قراح زلال هذ البيت الاول من ري اما باقي القصيده سوف اقوم بتنزيلها عند مايقوم فاقد خوي بارسال اسمه الحقيقي لي |
اعذروني عن الغيبه
وياعبدالله اعذرني لني تو ماشفت الرساله وحسبتك تارك المنتدى الغالي على العموم مشكور ين وعبدالله يستاهل اكثر من كذا |
يا هلا بلي عيوني ماتمله
معزته في خافقي محد وصله |
| الساعة الآن +4: 12:19 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
