ياسلام الله على قصر الحضاره والرياده=قلعة المجد التليد وندوة التاريخ كله
اشهد انك موقع ٍ تستأهل المدح ..وزياده= جمّلوك اهل الوفاء والطيب والباقي على الله
اعتبرني شاهد ٍ لك.. كان تحتاج الشهاده= كل شيء ٍ في محله.والوفاء هذا محله

يالسبع قلت الصحيح وهذي من عندي افاده = وكل رجلن مايعد الحق ياربي تشله
موقعن يجمع سلايل عبس راعين الرياده = عبر شاشات الجهاز وكل واحد له سجله
بيض الله وجه من سواه واحسن بالقياده = مع رجالن تفعل الماجوب في دقه وجله

اقتباس من مشاركة السبع الضاري (المشاركة 580229) هذا الموضوع خاص بالإشادة بشبكة عبس...منتديات قبائل بني رشيد(قلعة المجد والتاريخ)لمالها من تميّز عن بقية مواقع القبيلة، وهذا التميّز بلا شك من جهود اعضائها الأوفياء، ومن إدارتها الناجحة،،، الذي أريده: كل شاعر يكتب ثلاثة ابيات ، تمجيد وإشادة بهذا الموقع وأعضاءه وإدارته،على نفس بحر هذه الابيات وقافيتها ووزنها: ياسلام الله على قصر الحضاره والرياده=قلعة المجد التليد وندوة التاريخ كله اشهد انك موقع ٍ تستأهل المدح ..وزياده= جمّلوك اهل الوفاء والطيب والباقي على الله اعتبرني شاهد ٍ لك.. كان تحتاج الشهاده= كل شيء ٍ في محله.والوفاء هذا محله

حي هالموقع وحي اللي بنا صرحه وقاده =وحي من ساهم برفعه لين علا منزلله
قالو التمجيد بالوطان نصف من العباده = وقلت ابا مجد وحان النفع في وقته وحله
موقع ٍ مثل البلاد اللي غنين بقتصاده = كل يوم ٍ ينبني في قلعة الامجاد فله

موقع(ن) يجمع الطيبين يستحق الاشاده=وصل سلامي يالسبع للطيًب وقله

جمل الله حالك ياعنتر بلاده=موقع يشرف الزوار ولا به مذله

وختام قافي انتهي بالعباده= استغفرك يارب من كل زله

من على قمت هل الامجاد ذعذع يابراده= وخل نسناس النسيم يغازل انجوم ٍ مطله
قمةٍ فيها لقينا الطيب ونواع السعاده = كالقمر بين المواقع وغيرها مثل الاهله
اهلها كل الشرف والعز مركبهم شداده =عز والله بالملاقا يانتخم هم عزوتله

اقتباس من مشاركة السبع الضاري (المشاركة 580229) هذا الموضوع خاص بالإشادة بشبكة عبس...منتديات قبائل بني رشيد(قلعة المجد والتاريخ)لمالها من تميّز عن بقية مواقع القبيلة، وهذا التميّز بلا شك من جهود اعضائها الأوفياء، ومن إدارتها الناجحة،،، الذي أريده: كل شاعر يكتب ثلاثة ابيات ، تمجيد وإشادة بهذا الموقع وأعضاءه وإدارته،على نفس بحر هذه الابيات وقافيتها ووزنها: ياسلام الله على قصر الحضاره والرياده=قلعة المجد التليد وندوة التاريخ كله اشهد انك موقع ٍ تستأهل المدح ..وزياده= جمّلوك اهل الوفاء والطيب والباقي على الله اعتبرني شاهد ٍ لك.. كان تحتاج الشهاده= كل شيء ٍ في محله.والوفاء هذا محله

فكرة(ن)تحسب لراعيها وتكتب له شهاده=يمدح اهل الطيب واصل الطيب يوجد في سجله
قلعة اهل المجد والتاريخ واصحاب العباده=دينهم دين الرسول اللي على مذهب ومله
واجتهد فيها الرشيدي يوم ماضاع اجتهاده=ساقها صوب السحاب وسكّت الناس المغله