ياهجوس الشعر كان الشعر اله قدر ومقامي = بلغي راع الضميه ينحر العد القراحي

ماش عندي ياطويل العمر مايجرح صيامي = والسبع ماحوله الى الموت والسم الذحاحي

العرب فيها تفكك والشعر مبناه سامي =وانت لاشديت فكرك صحصح ابكل النواحي =

انت لاتقرب علومك وانت في سد الظلامي =كان ماشالك جناح اليل الشيلك في جناحي =

العرب قي تالي الايام يشكون النظامي = والنظام ام الكباير محرمته من المباحي

ريح الجنحان وادرج لايعذبك الحيامي = عاين الظلال السدر بالقاع والخد البراحي

المصيبه با الصفوف اللي حصل فيها انقسامي =والديار امرسمه والمشكله صفق الرياحي =

البسيطه مانبت من فوقها ريش الحمامي =والمواقف ماتضيق كل راعي فكر صاحي=

المصيبه بعد خمس اسنين مادري بعد عامي = تكثر اعياد السنه ويكثرون من الاضاحي

مير سكان المدينه كل مادخلها نيامي = شفت نص الفرس فيها والحمام بصمت ناحي

المطيه حولها ياصاحبي تسعين رامي =الله انه يرحم اللي قال حي للفلاحي =

لاتلمس خدها وتصير في حكم الحرامي =المدينه سدها بين العرب ما بعد باحي=

المطيه ديسها محلوب من كبر السنامي = والسنام الي عليها لو يصر الديس طاحي


أنت من سكانها والعلم عندك والكلامي = ليه مانشوف العمايم وسطها قبل الصياحي

شرهة العالم كبيره بين شرق وبين شامي =كل واحد يحسبنه من عنا الوقت استراحي =

ماحصل فيها كلام ولاحصل فيها ازدحامي =الكلام ايدور حول البكر في عقد النكاحي =

شرهة القادر قريبه عند سهلين المرامي = لكن الماعون ممليئ والسلاح امن السلاحي

خايف ان للية من العشرين بايام ن كرامي = بعدها تلبس هدوم العيد باديارن براحي

لاتقرب ميسمن با النار والميقاف حامي =خل سدك با المخيله كل ما براق لاحي =

كل لحظه كل ساعه احسب ايصير اصتدامي=لاتقول ان المشاكل صدرها مابعد فاحي=