قبيلة بني رشيد - يابوي لافترت عظامك من الشيب .. اخذ من عظامي عظامن بديلات لـ ثامر شبيب الرشيدي

اطرح قصيدة جديدة بين ايديكم والتي صاغها شاعرها بمفردات جميلة و من احساس يجعل الحس ينعش و العين تدمع و التي يخاطب فيها الشاعر ابويّة

تجمعت هذة الاوصاف في شاعرنا المبدع ثامر شبيب الدقباسي الرشيدي .
و القصيدة بعنوان : يا بيت .

بيتين من هذي القصيدة :

يابيت يابيت االكرم والمواجيب .. للحين شامخ بين طول العمارات

يابوي لافترت عظامك من الشيب .. اخذ من عظامي عظامن بديلات

http://www.youtube.com/watch?v=4A05Uxcb60k

يا بيت يا بيت الكرم و المواجيب || للحين شامخ بين طول العمارات

تدري و شلي مبعدن عنك العيب || و اللي رفع قدرك بجنب الطويلات

راعيك باني طوفتك طيب من طيب || و الساس من عزة و مهابة ومروات

ديوانك امشرع إلعكف الأشانيب || بأدهلك يا قاطع ديارن بعيدات

اليا لفاها الضيف يبشر بترحيب || جت السمينة من يدين(ن) كريمات

عند الجماعه أفتخر والأجانيب || إني ربيت ابيت راع الصعيبات

حلال عسرات الامور النواشيب || ماكنها عنده نشيبة و عسرات

الله يهونها على العود ويطيب || ويغفرله الله ويرحمه لكل مافات

يابوي لافترت اعظامك من الشيب || اخذ من اعظامي عظام(ن) بديلات

يومنها حر وشموس و لواهيب || يصير ظلك فوق راسي مظلات

ويومنها برد(ن) يسل العراقيب || دفاني بشتك واحتظني من الذات

تعطي ولا ترجي وراها مكاسيب || الا من الله رب عرش السماوات

يمناك لامدت تمد مدها غيب || كنك تقول الطيب يا ناس بسكات

علمتني ان الكرم والعذاريب || ماتجتمع لو يرجع الحي لامات

وانا ولدك اللي قضبت المقاضيب || في طاعتك ملزوم في كل الأوقات

دامك بوسط البيت تامر و انا اجيب || ماعذربت بيتك اطوال العمارات

صوتك و صوت امي اكبار المكاسيب || لايبعد صوتي وبعد كل الأصوات

- للتحميل :-

رابط التحميل : http://www.mediafire.com/?xtyzyz2ogkj

&

http://rapidshare.com/files/20961446....beat.rar.html

وللتحميل مقطع صوت

الرابط : http://www.mediafire.com/?mzn4ftlitna

&

http://rapidshare.com/files/21041703...4.com.rar.html

منقول من برنامج محطات على قناة المختلف

م\ن