حضرت وجيت ادور على بعض الشواعير=ولكن حصل شـئ غريـب بهالزمانـي
انشّد عـن بعيـرٍ تغيّـر ماهـو ابعيـر=بعد ماكـان يقبـل ويقفـي بالسوانـي

أنا ما استغرب اللي بتالي وقتنا يصير=بعد شفت الجحش كلّمه جزل المعاني
زمان اول تحوّل وطاح الدلو فالبيـر=لكن اصبر على الوقت دام العمر فاني

مدام الرب واحد رضينـا بالمقاديـر=ولا يجزع من القدر ياكود الهدانـي
على عد الروى تزدحم ورد ومصادير=وشرب الضامي الي سقيته ماسقاني

الله مشرف حصان العـرب والعيـر عيـر=جل رب(ن) فارق العير عن صوت الحصاني
انا آرد جمة(ن) صافيـه واعماقهـا خيـر=واظن الفرق مـن بيننـا بالشعـر بانـي

تنطحت المعاصيروأعمتـك المعاصيـر=وضيّعت المجـرّات وسهيـل اليمانـي
صحيح الفرق بان الضحى ماهي ماعاذير=ياليته بان في يوم ماهـو فـي ثوانـي

بليد الفكر يشره على مسح الطباشير=احمدلله ربي من الحكمـه عطانـي
تهدد بالبدايه معك جيش وطوابيـر=وهالحين اختلف رايك بنطق اللساني

الله مشرف حصان العـرب والعيـر عيـر=جل رب(ن) فارق العير عن صوت الحصاني
تنطحت المعاصيروأعمتـك المعاصيـر = وضيّعت المجـرّات وسهيـل اليمانـي