عبدالعزيز الخياري × عميد الشعراء ( الجحش )
عميد الشعراء
حضرت وجيت ادور على بعض الشواعير=ولكن حصل شـئ غريـب بهالزمانـي انشّد عـن بعيـرٍ تغيّـر ماهـو ابعيـر=بعد ماكـان يقبـل ويقفـي بالسوانـي عبدالعزيز الخياري أنا ما استغرب اللي بتالي وقتنا يصير=بعد شفت الجحش كلّمه جزل المعاني زمان اول تحوّل وطاح الدلو فالبيـر=لكن اصبر على الوقت دام العمر فاني عميد الشعراء مدام الرب واحد رضينـا بالمقاديـر=ولا يجزع من القدر ياكود الهدانـي على عد الروى تزدحم ورد ومصادير=وشرب الضامي الي سقيته ماسقاني عبدالعزيز الخياري
الله مشرف حصان العـرب والعيـر عيـر=جل رب(ن) فارق العير عن صوت الحصاني انا آرد جمة(ن) صافيـه واعماقهـا خيـر=واظن الفرق مـن بيننـا بالشعـر بانـي عميد الشعراء تنطحت المعاصيروأعمتـك المعاصيـر=وضيّعت المجـرّات وسهيـل اليمانـي صحيح الفرق بان الضحى ماهي ماعاذير=ياليته بان في يوم ماهـو فـي ثوانـي عبدالعزيز الخياري بليد الفكر يشره على مسح الطباشير=احمدلله ربي من الحكمـه عطانـي تهدد بالبدايه معك جيش وطوابيـر=وهالحين اختلف رايك بنطق اللساني |
رد : عبدالعزيز الخياري × عميد الشعراء ( الجحش )
الاخ سعد الشقل
يعطيك العافية على التنسيق والاخراج وحقيقة محاورة جميلة جدا جدا 4774bani-3abs |
رد : عبدالعزيز الخياري × عميد الشعراء ( الجحش )
ماشاء الله تنسيق وابيات رائعه
يعطيكم العافيه |
رد : عبدالعزيز الخياري × عميد الشعراء ( الجحش )
الله مشرف حصان العـرب والعيـر عيـر=جل رب(ن) فارق العير عن صوت الحصاني تنطحت المعاصيروأعمتـك المعاصيـر = وضيّعت المجـرّات وسهيـل اليمانـي سعد الشقل مشكور على تنسيق المحاوره وليعذرني زميلي عبد العزيز على عدم تكملة المحاوره |
يعطيك العافية اخوي سعد على التنسيق الرائع
ربي يوفقك ولاهنت |
الساعة الآن +4: 09:29 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.