قبيلة بني رشيد - تجملي في نحيل ضاق به ثوبه جديد الزعيم

قبيلة بني رشيد (http://ban3abs.com/aa/index.php)

- قسم الشاعر (مساعد الرشيدي) (http://ban3abs.com/aa/forumdisplay.php?f=61)

- - تجملي في نحيل ضاق به ثوبه جديد الزعيم (http://ban3abs.com/aa/showthread.php?t=124396)

تجملي في نحيل ضاق به ثوبه جديد الزعيم

تجملي في نحيل ضاق به ثوبه
قبل الشوارع تذوب بـ ظل زايرها
صبح البنفسج غمام و هب هالنوبه
ديمومة سيلت بـ الكبد ماطرها
حوريتي و الكلام أنفاس منهوبه
شحيت بـ العبرة اللي شاب صابرها
لي خافق لو يهب الريح من صوبه
يكره حديث الدرايش عن ستايرها
تبختري و الجروح أقدار مكتوبه
ما شاورتني و أنا ما جيت أشاورها
وردية الفال دوبه شاعرك دوبه
ينفض غبار الخناجر عن منابرها
وليا لفيتي صباح العمر محبوبه
تنطحتك القوافي في مباخرها
تزينت لك تقل غيدا و مخطوبه
كل يداري نهار الحفل خاطرها
مره كتبت القصيد لـ عين رعبوبه
و مرة نهبت القصايد من محاجرها
يا طفلة النور كن الشمس لعبوبه
بـ الغرة اللي تضاحك لي بشايرها
هي توبة الذنب ولا ما بها توبه
أو زلة شجرت بـ كفوف غافرها
مره يلومون شاعر خانت دروبه
و مره تخون المدينة حلم شاعرها
الناس تنشد و كل يحسب ذنوبه
و أستعذب الصمت في زحمة مشاعرها
لمه و لجه و مجروح توصوا به
أشباح ضول يديها في خناجرها
صبح البنفسج رذاذ و هب له نوبه
ذعذاعة ما يبل الكبد ماطرها
رديت منها عطش و أحلام مجلوبه
كن الخطاوي تقودها جبايرها ..

الله الله يالزعيم

صح اللسان ابو فيصل ولاهو غريب عليه الأبداااااااع ويابعد والله الشعر كله

ولاهنت يابو جوري على النقل وتقبل تحياااااااااااتي

صح لسان أبو فيصل .. ما يجذب إلا الطيب من المعاني
ويوفي حق الابيات بالقصيد
تحياتي لك يأ أبو جوري
على ما قدمت لنا من روعة سطور كتبهاا زعيم الشعر

تسلم يمناك على ماقدمت
لاهنت

ودي

صح السان ابو فيصل
دائما مبدع
ولاهنت ابو جوري على النقل ..

الله الله
ابداااع في كل حرف من حروف هذه القصيدة الشامخة ..
اشهد بالله انك زعيم الشعر وان الشعر له طعم خاص وذوق يختلف عن كل الشعار..
صح السانك يابوفيصل وبيض الله وجهك ..

مشكور يابن عادي ..

صح السان ابو فيصل
دائما مبدع
ولاهنت اخوي سعدعلى النقل ..

الله ابداع

صح لسان قايلها

ولا هنت علي النقل